15/10/2002 2:40am
有時候好想嘗試身邊既人無左我會點
但係我對好多野重有回憶或者留戀
我屋企人 我小時候 我既初戀
我既朋友 我過去同現在最愛既人
每一個人比我既回憶...

我好記得我好細個既時候
好鐘意哩埋
最鐘意聽到屋企人講"呀妹去左邊"
哩起抬底---係我首選黎
記憶中差不多每間茶樓既抬底都哩過
抬底好污糟
望到好多對腳
聽到茶樓既嘈雜聲
好多鳳爪骨同牙簽起地下
...最重要既係聽到人地既說話
衣櫃----我起屋企既首選
最深刻一次
我起衣櫃裡面等好耐
都聽唔到屋企人大聲問我起邊
我真係哩起裡面等
頭都開始暈埋重標汗
就打開小小門比自己透氣
直到好耐我媽咪先打開衣櫃叫我
當時以為佢地真係估我唔見左
依家當然知道佢地根本就知我哩埋
亦知我起邊...

原來我係好在乎人地重唔重視我
好在乎人地心目中我既存在性
腦入面經常徘徊有我同無我既分別

哭泣---
從小我就成日喊
我婆婆同大姨媽叫我喊包
細個因為買唔到玩具喊
小小痛又喊
同哥哥鬧交喊
最嚴重既喊係因為同朋友不和而喊
總之一定要比人見到我喊
慢慢長大
覺得自己既眼淚原來已經用唔著
亦唔再有d嘜野咁卿香
重唔想比人知道我喊
為人去流眼淚
依家既眼淚係為發涉
我唔鐘意用紙巾或者手巾
由得d眼淚自己乾就算...

朋友---
人開始大
真正既朋友越來越小
有時重會因為大家圈子唔同
而識到新朋友
慢慢離你而去

我拍過好多次拖
因為之前既一個男朋友
令我覺得自己係透明
分手後諗通
原來...我係次要...甚至不被需要
當時因為佢而產生既痛楚
我到依家仍然好深刻
之後既戀情
都令我覺得我無被珍惜
有一排我重怕左拍拖
當然我咁深刻唔係因為對佢地重有感情
只係令我知道
長大後既我先係真正既不被重視
希望現在珍惜我既會珍惜我

...唔想繼續比果種感覺纏繞住
我感到好辛苦...
有無一個地方
...可以比我透氣