31/08/2002 今日返九放一,但係搞到14:00先收得工,因為我做錯野...都幾大單...唉! 好DOWN...放工後先落觀塘同男朋友食飯,之後一齊去左將軍澳新都城行街同埋睇戲 "滅絕反擊". 睇完戲就返屋企啦! 因為佢病病地, 而我就想早d訓, 因為, 聽晚我要為爺爺守夜.

30/08/2002 今日又好多野做啦,做到19:00先走得,不過唔緊要,因為男朋友20:20先o係銅鑼灣放學,我放工之後去到銅鑼灣都只係20:00,仲行左一陣sogo. 之後,我地又去左佐熊之家食飯飲野睇書睇電視上網同傾偈,因為MANSON同埋STEVE都黎左,搞到01:30先走,我仲睇埋"刑事偵輯檔案4"添! 返到屋企已經02:45,我沖完涼後嘗試戴返右耳隻耳環,點知,竟然埋左口......嗚嗚......好唔開心呀,個耳窿已經穿左年半,做乜咁快會埋口架?? 遲D又要去再穿過啦! 不過我會等到有一日,發生一件令我好傷心既事既時候,我先會去穿呢個耳窿,因為可以借機利用耳珠既痛去掩蓋內心既痛.

29/08/2002 已經有三日冇見過男朋友,今晚佢就約左我陪佢去深水步睇電腦,睇完電腦就一齊食飯,之後散水. 今日我右邊隻耳珠突然間痛得好緊要,最後都頂唔順除左隻耳環.

28/08/2002 今日終於入哂4百幾個a/c既data,而剩餘既百幾隻,就講掂數,交比第二個department做, yeah! 即刻成個人輕鬆哂!

27/08/2002 今日公司勁多野做,總之就做到個人好燥好燥好燥啦......

26/08/2002 今日放工後去左YWCA上瑜珈班,係公司搞既course黎既,第一堂d動作好簡單,我細細個既時侯都成日做架啦! 今日lunch時男朋友又黎左搵我食飯,本來我今日有帶飯架, 結果都棄左飯.

25/08/2002 成日o係屋企上網,屋企仲出奇地有飯食添!

24/08/2002 今日唔洗返工, 訓到12:00, 跟住出左去拍拖. 首先去左觀塘食飯, 跟住陪佢&佢細佬打左兩個鐘頭機, 而我就O係機舖呆坐左兩個鐘, 真係悶到爆. 然後, 我地一齊去剪頭髮, 之後, 去左將軍澳新都城睇"三更",最後, 小威搞果個唱K function,男朋友話突然間好想去,於是,唯有跟佢一齊去. 最開心係見返阿超同埋Can,好耐冇見過佢地啦, 佢地係29/06/2002小威第一次搞function果次既原班人馬其中兩個. 我好懷念我地o岩o岩認識,一齊出黎食飯睇戲影貼紙相既日子. 而家既function太多人啦,而且有好多根本都傾唔到偈.

23/08/2002 放工即刻返屋企, 雖然聽日放假, 但係已經冇心情去街, 因為我覺得我尋晚去左唱K已經係一件好衰既事. 今晚o係屋企玩icq, 我同個朋友講, 雖然而家已經冇喊, 但係成日都會諗起爺爺, 又會自言自語咁同爺爺講野. 朋友話, 遠方既爺爺一定聽到, 唔知係咪真既呢?

22/08/2002 本來今晚約左幾個老友食下飯,傾下偈,因為好耐冇見,點知,佢地係都要去唱K......其實,我根本唔想唱,因為冇乜心情. 不過最後都係去左. 唉! 第一次帶住沉重既心情唱K. 早走仲要比人詐型......總之,sorry啦咁多位!

21/08/2002 好多謝各位朋友既關心! 爺爺既身後事, 已經有所安排, 9月1號守夜, 9月2號出殯及上山.