20/08/2002 爺爺, 永別了! 我永遠愛您!

19/08/2002 今日有人叫左碗勁辣雲吞雞絲貢丸米線,食到流哂汗水同鼻水,仲發埋顛添呀......

18/08/2002 今日一號風球, 又落大雨, 冇出街. 訓到14:30先起身, 因為實在太累啦! 今日終於睇左 "男人四十" 隻VCD, 已經買左幾個月, 一路都冇時間同心情睇. d人話套戲好悶,但係我反而覺得幾好睇!

17/08/2002 今日準時13:00收工, 同男朋友去左中環食咖喱, 之後再一齊去瑪麗醫院探爺爺,直至19:30先離開醫院. 今日有d野令我唔開心,不過, 望住病床上既爺爺, 忽然間覺得, 做人短短幾十年, 係咪應該開開心心呢?

16/08/2002 今日爺爺既病情已經穩定左少少, 亦已經由深切治療部轉左去心藏病觀察病房.

15/08/2002 我爺爺心藏再次出現問題, 今天送往瑪麗醫院深切治療部,我會暫時停止所有活動,大家的留言也暫時不會回覆.

14/08/2002 今日男朋友同老豆返左廣州做野,聽日先返呀! 而我放工之後就o係荃灣行左個幾鐘頭,睇下買唔買到禮物,因為有兩個同學仔生日,黎緊星期五會出黎食飯. 好可惜,只係買到一份咋! 睇怕聽晚放工之後又要落旺角行下啦! 今日20:45返到屋企,又自己煮野食,當然, 今日有準時食藥啦!! 我好乖架^^

13/08/2002 我終於又病左啦! 又係扁桃線發炎,喉嚨好痛,講野大聲d都唔得. 放工後趕落旺角睇醫生,男朋友又黎左陪我,仲陪我入埋醫生房,呢種感覺好溫暖,因為細細個除左媽咪會陪我入埋醫生房之外,都再冇試過. 睇完醫生,男朋友又送我返屋企. 大家唔好怪我成日提住男朋友,事實上,佢真係對我好好嘛!

12/08/2002 今日唔係好開心,因為工作上既問題. 放工亦都冇心情去街,一支箭飛左返屋企煮肉醬意粉...

11/08/2002 男朋友一早返左大陸公幹,而我就全日留o係屋企,起身煮飯食,跟住執房,然後煮晚飯,跟住睇香港小姐決賽. 男朋友今晚就返左香港,真係開心,因為原本佢話要星期二先返架!!