二十歲的我,開心嗎?唔知.唔開心嗎?係掛,又好似唔係喎.咁即係點呀?唔知呀!
太陽升起喇,天光喇,起身喇!
啊,起喇!
點解唔同佐既?屋企唔同佐,我唔係到住架!個膊頭好重呀,好煩呀!光酥餅呢?粟米片呢?車仔呢?煮飯仔呢?唔見晒既?媽咪,你都唔係我媽咪,你唔同佐.細佬,你唔同佐,啊哥,你都唔同佐.發生咩事?定係我唔同佐?
我記得我有隻公仔,好得意架!佢會訓覺,但係佢企係到既時候會起身架.佢著住條紅色裙仔,軟淋淋.我去邊到都會帶住佢架!
咁以家點啊?
唔知.
幾時開始唔見架?
唔知.
咁以家佢係邊呀?
都話唔知咯!
我有盒好大盒既玩具架!好好玩架!d凳呢好細張架,仲有檯啦,雪櫃啦,廚房啦,仲有好多好多細罐既汽水架!去佐邊呀?我屋企應該夠大玩單車架?點解以家唔夠既?我想睇足球小將呀!應該做緊南葛對明和架,點解無既?我記得呢度明明係我地個秘物基地黎架?唔見佐既?無既?得番張床既?
你唔見佐好多野呀?
係呀!
咁呢d係唔係你架?下?
係呀!
全部都係?
係呀!
唱k?
係呀!
食煙?
係呀!
劈酒?
係呀!
去夜街?
係呀!
講粗口?
係呀!
係邊到得返黎架?
唔知!
從前,天主創造人類,亞當同夏娃.佢地好開心,因為佢地跟本就唔知乜野係唔開心.有一日.佢地食佐條蛇叫佢地食既禁果,因為條蛇話俾佢地聽,食佐之後,會變得好聰明,好叻,乜都識.其實條蛇無呃佢地,因為佢地食完之後,從此知道乜野係唔開心,感覺同是非.
二十歲呢個禁果領到我離開佐光酥餅,粟米片,車仔.我想返去,但係點解搵極都搵唔到點返去?仲好似越行越完咁既?
點樣先可以返去?
忘記一齊,你得唔得?
得,我願意~