2002年08月13日
頭先update o左你info，唔知你寫ｏ既一個女仔係咪我呢？你話咩事都希望有佢ｏ係你身邊，我真係好想聽你親口講呀，雖然我唔知ｏ個個女仔係咪我，但係我都好想你咁樣同我講。自從我ｏ地散ｏ左之後，你已經冇講ｏ的令我開心ｏ既說話，連一句我"掛住你"都冇呀！你同我傾電話ｏ既語氣亦都唔同晒，已經冇咁溫柔，冇咁細心！ｏ個次聽到你同你契妹講ｏ野，你話"番到屋企ｏ剌？"ｏ個種語氣就好似係男朋友對女朋友咁，聽到之後真係好唔開心，好想喊，不過死都忍住先，我唔想畀你知道我在乎你ｏ既ｏ野，唔想畀你知道我又唔信你。我會諗點解你而家唔會咁對我，你同我講ｏ野ｏ既態度就好似普通朋友咁，令我唔可以唔死心呀，你知唔知呀？好多ｏ野係你迫我去咁做嫁，係你迫我去變，係你迫到我唔信你，係你迫到我要對你死心。我真係好想永遠陪住你，但係有可能咩？你改ｏ左info 即係你有番到屋企啦，點解你番ｏ左屋企都唔搵我？正常ｏ既都會打個電話畀女朋友啦，或者你覺得呢ｏ的好似係報告咁啦，但係我真係好想知你有冇番到屋企，但係你一個電話都冇畀到我，我唔敢再搵你ｏ剌！唔想再畀你覺得我煩，講真，我同你ｏ既戀愛方式好唔同，我好需要人ｏ地畀安全感我，你唔係冇，而係你畀唔到我呀！我相信每一對情侶每一日都會傾電話，就算只係幾分鐘都好ｏ丫！但係你唔同嫁，你係想搵就搵，唔想搵就真係可以幾日都唔搵，我真係接受唔到呀！我有嘗試過去接受，忍你，我鍾意你就會為你去改變，但係真係太辛苦ｏ剌！點解你又唔可以為我去改變呢？你係鍾意我，打個電話ｏ黎話我知你番ｏ左屋企都唔得？或者你真係冇諗過為任何人去改變自己啦！我為你真係改ｏ左好多，但係你一ｏ的都唔感動，反而仲唔理我，我真係唔知應該點去做你女朋友，你究竟想我點？！不如你同我講清楚啦，大家講清楚大家ｏ既方式，如果係唔ｏ岩ｏ既，唔好再拖ｏ剌，我真係好辛苦ｏ剌，你根本就冇理過我感受！一直都係你想點就點，有冇諗過我呀？唔可以話你自私就咩都得嫁，做ｏ野要諗ｏ下人嫁，你成日都話每做一件事都會諗ｏ左人ｏ既感受先，我真係唔覺ｌｏｒ！之前你話散，係因為你話唔想我以後好似你咁唔開心，而家你話一齊，係因為你想同番我一齊，咁你有冇諗過我？當你同我散ｏ個時，有冇理過我？就算我要求你同番我一齊，我做到好cheap 咁樣，你都冇理過我呀！而家我同番你一齊，係真係鍾意你，唔係想有人陪咁簡單，我係真係想同你好耐，不過你已經唔係咁諗，對你真係好失望，你仲有幾多ｏ野係呃住我嫁？
Candy_A 只跟部份人分享這資訊。
於02年8月發佈
一廂情願 (05年6月)
私人情信