2002年08月13日
１０號ｏ個晚你叫我出ｏ黎陪你，真係好開心。可能你只係想搵個人陪你，搵我ｏ黎攝ｏ下時間，不過唔緊要啦，起碼你仲記得我呀！但我冇諗過會出去嫁，因為我唔知點面對你，我驚出到ｏ黎大家都冇ｏ野講，到時咪又係尷尬！你話有ｏ野同我講，我真係好想知咩事，但又驚自己接受唔到你講ｏ既ｏ野，不過最後我都係有出到去搵你。我覺得自己真係好鍾意你，咩都聽你講，好在乎你ｏ既ｏ野。ｏ個晚你話想同番我一齊，真係好開心，但係我亦都諗ｏ左好多ｏ野，如果你係有心想同我一齊，點解你唔ｏ黎搵我？
ｏ個晚你對我真係唔同ｏ左，你已經唔會好似以前咁鍚我，你對我冇咁細心，而且亦都開始唔在乎我！我覺得ｏ個晚你只係想搵個人陪ｏ下你，或者你唔係咁鍾意我！不過唔緊要啦，只要你開心，我就冇所謂！個腦真係有好多好多ｏ既問題想問你，不過我開唔到口。你話我唔信你，咁你有冇令我相信你呀？你對住我都好似冇句真，叫我點信你呀！當我未同你散之前，我真係好信你，但係自從散ｏ左之後，我開始變得唔信你，好懷疑你之前講過ｏ既ｏ野，我知道你好難接受我唔信你。但係你又知唔知道，我都好難接受自己鍾意ｏ既人呃我，仲要一次又一次令我失望。同番你一齊之後，我唔覺得自己有男朋友，ｏ個晚之後你就冇再搵我，已經兩日ｏ剌，你真係可以唔打畀我？我知道以前你覺得我煩，所以我唔煩你，我唔打畀你，唔係因為我唔再鍾意你，而係唔想煩到你。你唔打畀我，係咪因為已經唔鍾意我？唔係你話搵就搵，唔搵就唔搵呀！我都有感受嫁，我都會唔開心，係你話一齊番嫁，點解而家又唔搵我？究竟你想我點？每次我話覺得你玩我，你就對住我發脾氣，我真係好辛苦呀！如果你想我信你，唔該你畀ｏ的行動我睇啦，你要畀我信到你先得嫁！而家對你真係完全死晒心，真係好失望。一次又一次咁等你，等到又點ｏ丫？你唔會對我比以為好，只會愈ｏ黎愈唔在乎我，就算我而家係幾咁鍾意你都好，但個感覺已經唔同ｏ左，好多ｏ野已經唔同以前，全部都變晒ｏ剌～
你話想同番我一齊，想我陪住你，咁點解之前我叫你畀我陪你，你又唔肯ｏ丫？你覺唔覺得自己好過份呀？話散ｏ既係你，話一齊番ｏ既又係你，但係而家我唔覺得你同緊我一齊囉！當係想有人陪ｏ既時候先搵我，唔想人煩你ｏ個時就唔理我，當我係咩呀？如果你有當我係你女朋友，你就唔會咁對我啦！記得以前你講過，以前ｏ的女朋友話你對佢太好，所以散ｏ左，我唔知道呢個係你ｏ的女朋友ｏ既藉口，定係你ｏ既藉口！但係我真係好想知，點解你對以前女朋友咁好，對我就唔可以咁好ｏ丫？而家我唔會再煩你，有好多ｏ野都唔同晒，好想你明白我需要ｏ既係咩，我需要ｏ既唔係你打畀我，我真正需要ｏ既係你，想你陪住我，就算見得一兩個鐘，我都好想見。但係而家你連搵我都冇搵，想見都難啦！我真係放唔低你，所以到而家都咁鍾意你，不過始終有日我都要放棄，因為你唔會再在乎我，唔會再咁關心我，最重要係你對我ｏ既感覺已經唔同ｏ左。雖然我唔知以後我ｏ地會點，或者你唔會再搵我，不過我唔介意，只要你開心，我就會開心。就算ｏ的日子幾難捱都好，我都會頂住，因為我心入面有你ｏ既支持，多謝你令我諗通ｏ左好多ｏ野，係你令我對愛情唔執著，係你令我改變ｏ左，多謝你～
Candy_A 只跟部份人分享這資訊。
於02年8月發佈
一廂情願 (05年6月)
私人情信