贊助網站
  相片  

＊＊＜我可以點做＞＊＊
文館   私人情信
2002年08月04日

　　究竟你想我點呀？之前又係你話分開ｏ既，但係而家又係你叫我等你３個月！乜我真係好好玩咩？點解你咩都唔同我講？我連你有冇去Body check 我都唔知呀，我真係好懷疑你有冇呃過我，我好想好想叫你畀份報告我睇，但係如果到時你真係唔畀我睇，咁樣係咪証明ｏ左你呃我？我唔想知道個事實，唔想自己又為ｏ左你唔開心！
　　我真係唔知應唔應該等你好，我好驚到時又失去你，我唔想再試多次ｏ個種感覺呀，真係好痛好痛！而家諗番起，你之前點樣冷淡對我，真係好傷，好心痛！我唔想到時你又係咁對我！而家我都唔知你究竟有冇鍾意過我，你話我唔信你都好啦！如果畀著你係我，一個人同你散ｏ左，但之後又想你等佢，你會唔會覺得佢玩你ｏ丫？如果你真係想同我一齊，點解而家唔一齊？要到３個月之後先一齊ｏ丫？如果到時你真係唔可以同番我一齊，我忍心要我傷多次？你話我可以揀等唔等，你明知我就係放唔低你，好鍾意你，點解你仲要叫我自己揀喎，你知道我一定會等嫁！如果你真係想我開心，點解而家要搵番我呀？到時我一定更加唔捨得你嫁，你知唔知道嫁！你真係好自私呀，又唔畀我陪你，但係又想我等你，究竟你想我點喎！
　　我同你講我會等你，之後你就一直都冇搵過我，而家算係點呀？你唔搵我，我咪搵你囉！點知搵你咪又係唔得閒，好開心咁同你ｏ的朋友玩緊，完全唔似同女朋友散完囉！或者我ｏ係你心目中真係微不足道啦，你唔會在乎同唔同我一齊啦！每次你話會打番畀我，之後呢？咪又係冇，我真係好失望，就算你真係好唔得閒ｏ剌，咁打個電話ｏ黎問我搵你咩事都得ｏ掛！如果你想鍾意我ｏ既話，點解可以一個電話都唔打ｏ黎？咁你話我應唔應該等你ｏ丫？我覺得完全係畀你玩緊囉！ｏ的ｆｄ都叫我唔好等你，你根本就冇心同番我一齊，根本就唔係鍾意我！一直我都幫你搵藉口，唔係ｏ既，你係有苦衷ｏ既！但係而家我開始動搖ｏ剌，我開始覺得自己真係好傻，一直都好似畀你玩緊咁！而家我真係唔知點做，點解要畀我遇到你！我以為你會係我最後一個男朋友，我真係睇錯晒你ｏ剌，你太令我失望呀！我完全唔了解你，一ｏ的都唔認識你！其實到而家我都仲係咁鍾意你，不過我開始唔敢鍾意你ｏ剌，鍾意你辛苦ｏ剌，日日都要等你電話，驚你有一日會同我講散，驚你會覺得我煩，而家幾好ｏ丫！就算我想煩你都已經冇呢個權去煩啦！真係唔想再諗，不如你話我知，究竟你係咪真係有Body
Check 啦，我唔想估ｏ剌，可唔可以真心咁對我一次？我唔想你又講大話呃我呀！唔通對住我都唔可以有特別ｏ既優待？我真係好想知道你有冇鍾意我，你對我ｏ既感情係去到邊個程度？點解而家你仲可以咁開心去玩ｏ既？一ｏ的都冇掛住我？真係好心痛，完全信錯人！！！！
於02年8月發佈



其他文章共 86 篇

短篇故事:4篇， 長篇小說:7篇， 隨筆:54篇， 公開書信:1篇， 私人情信:19篇， 其他:1篇

最新公開文章 :     一廂情願 (05年6月)
    感情變質 (04年7月)
    ＊＊＜只好放棄你＞＊＊ (02年10月)
    ＊＊＜變得更加想念＞＊＊ (02年10月)
    ＊＊＜不喜歡上你是否比較好＞＊＊ (02年10月)
    ＊＊＜害怕擔心＞＊＊ (02年10月)
    ＊＊＜冬天的暖＞＊＊ (02年10月)
    ＊＊＜我的媽媽＞＊＊ (02年10月)
    ＊＊＜衝動想找你＞＊＊ (02年10月)
    ＊＊＜很想看戲＞＊＊ (02年10月)
    ＊＊＜朋友＞＊＊ (02年10月)
    ＊＊＜討厭＞＊＊ (02年10月)
    ＊＊＜等待＞＊＊ (02年10月)
    ＊＊＜沒有信心了＞＊＊ (02年10月)
    ＊＊＜記得忘記＞＊＊ (02年10月)
    ＊＊＜漫步沙灘＞＊＊ (02年10月)
    ＊＊＜感受到＞＊＊ (02年10月)
    ＊＊＜喜歡＞＊＊ (02年10月)
    ＊＊＜人的眼淚＞＊＊ (02年10月)
    ＊＊＜習慣＞＊＊ (02年10月)



Candy_A 只跟部份人分享這資訊。



實事求是, 提供可靠伺服器管理及網存超過＋年。