好多人自己一個既時候會覺得悶, 更何況自己一個去旅行?

一個人去旅行其實幾刺激:你要對住一個陌生既社群, 去融入佢地既生活, 你要睇多d野就要主動搵朋友, 但又要避開想害你既人. 要計劃自己行程, 每一日起身就要盡量探索個新世界,好似細路仔, 每一樣事物都可以引起你好奇心.

我2月去秘魯時我都好驚. 果度無咩人講英文, 我又唔識佢地d西班牙文. 而且係南美國家, 罪案率好高, 比人打劫真係番唔到屋企! 果度仲要無黃種人, 我去到d人當我怪人咁望, 串得劑比人打都唔出奇.

但係一諗到可以去一個完全唔熟悉既地方行下, 個人會諗多d自己野, 開始會知道自己呢世人究竟想要d咩, 錢?搵唔晒, 幾時你先會搵夠? 人會覺得狗,金魚食極唔知飽咁蠢, 其實人都係無咩分別.

去過尼泊爾同秘魯, 都發覺佢地雖然好窮, 但係反而仲開心.佢地估唔到香港人咁鍾意自殺, 亦好難解釋佢地聽.

下一站應該去西非, 或者伊朗, 今次應該比上次更危險...