在某一天的下午,一個男人走進了一間咖
啡店,這個男人走進店時,門口的風鈴聲不
斷叮叮噹噹......當這個男人坐下時,這
店舖的老闆娘就走過那男人身邊,這位老
闆娘是一位非常高雅漂亮的女人,那男人
叫了一杯咖啡,當這老闆娘在整咖啡時,那
男人一直望住她,她每一個動作都顯得她
非常大方漂亮.
咖啡沖好了,老闆娘就問那男人:你是第一
次來這裡嗎?之前未見過你o既?
那個中年男人說:是的,我是第一次來!
老闆娘對他微笑,正當她轉身時,那男人
說:我想問你一d問題,不過你可唔可以聽
我說一個故事?
老闆娘很奇怪,但她也答應了.
那男人就開始說:係十年前,我非常愛我的
女朋友,那時正當我們預備結婚時,很不
幸,有一晚我未婚妻夜返屋企時,被一個華
僑強姦o左,但無論發生咩事都好,我也一
樣咁愛佢.初時我們仍準備結婚的事,很開
心,沒有受呢件事而影響到我地,但好可
惜,在我們結婚的前一晚,我的未婚妻忍受
不了那件事而上吊自殺,很好彩,她的父母
及早發現,即刻將佢送入醫院,當我趕到醫
院o既時候,我未婚妻的父母就跪在地上,
要求我唔好再見佢.
我問點解?點解要咁做?
她的父母就喊住咁話:佢失憶了,佢忘記了
識你之後的事,如果你而家去見佢,佢記得
番o既話,又會發生今次的意外,佢唔想再
記得呢件事喇,你唔好再見佢可以嗎??
我求求你......
當一個人崩潰的時候,佢就會盡量忘記自
己所唔開心o既事,我的未婚妻就是這樣,
佢忘記o左我,佢忘記o左o個個華僑......
佢o既父母講得o岩,佢見到我,可能只會令
佢諗起唔開心o既事,於是我答應了......
我答應佢地十年內唔會再見佢,十年後,我
會返o黎搵番佢,呢十年我對佢o既愛冇變
過......
老闆娘就說:咁過o左十年喇,你有冇搵佢?
那男人說:還未,係呢!你呢間咖啡店裝飾
很好,你自己設計嗎?
老闆娘說:是的,不過我先生也有份設計,
這裡是我和我先生一齊開的,我先生也很
喜歡這裡的裝飾.
那男人說:原來係咁!我想問,我等了十年,
我而家三十歲,也有一份好o既事業,如果
我而家搵番我未婚妻,但佢有男朋友或者
結o左婚,咁我應唔應該令佢想起我?或者追求佢?
老闆娘話:如果佢有男朋友,男未婚女未嫁
,你當然可以追番佢啦.但如果佢結o左婚
o既話,咁就唔好破壞人地家庭喇!
那男人聽了,就微笑點了一下頭,
說:我明白了!多謝你的意見!
老闆娘笑著說:不用客氣!
又有兩位客人進入了這間咖啡店,老闆娘
就微笑轉身預備招呼客人,當她行到一半
時,突然轉身問那男人:為什麼要講呢個故
仔比我聽o既??
那男人微笑著說:冇,我的未婚妻曾經和我
約定,我地結o左婚之後開一間咖啡店,雖
然這個夢想幻滅了,但我也希望她能得到
幸福!佢幸福,我就幸福,當我走進這間咖
啡店,就令我想起佢,所以我問你的意見.
老闆娘說:哦,原來係咁!她笑著轉身走了.
那中年男人望著她的背影,就說:是的,呢
十年我都無白費到,因為我已經見到你好
幸福喇......就因為你幸福,所以我都好幸福......