> ( 由某某網站轉移至此:)
>
> 以下係我老公既朋友大約一個月前所發生既一件恐怖事件:
>
> 有個女仔搭 mtr 果時突然發現手袋比人打開左, 最初重以為比人偷野, 但之後發現原
>
> 來手袋入面多左個紅色袋仔 (以前金舖果 d 紅色拉鍊"巴"鈕袋仔), 打開之後見到有條
>
> 金手鍊, 拉鍊暗格有一道黃色底綠色字既符. 之後會合左佢個 friend 就問'如果你個
>
> 袋突然有條金鍊你會點呀?', 咁佢個朋友就話跌得係你個手袋就係你架啦! 跟住個女仔
>
> 就貪得意帶左條 , 唔知點解又放左自己隻介子入個紅色袋仔, 食煙果陣重好玩野咁燒
>
> 埋道符 tim.
>
> 幾日後, 個女仔係屋企食飯時就比亞哥話 "重咩帶條咁娘既金鍊呀', 個女仔重話你唔
>
> 好理啦...
>
> 再過幾日, 佢亞哥個女朋友去佢地屋企, 唸住入個女仔房借件 tee, 一開佢度門就見到
>
> 有個男人坐左係個女仔床邊掃佢個頭 (個女仔訓緊), 跟住個男人重'掘'住佢亞哥個女
>
> 朋友 tim, 咁個女朋友咪出番去 law, 重同個女仔亞哥講' 你細妹個男朋友黎左喎'.
> 咁佢亞哥就話'無理由喎, 佢個電話係廳, 佢男朋友搵過佢幾次!'.
>
> 再過幾日, 亞哥又同佢女朋友返屋企, 兩個一入屋就見到細妹呆坐係廳度講電話, 但好
>
> 似係發開口夢咁講. 跟住都無理佢. 咁夜晚唸住去食宵夜, 亞哥個女朋友就入細妹房叫
>
> 埋佢去, 但細妹訓緊, 咁女朋友就拍下佢, 點知佢一擰過黎就見到佢成塊面白晒..
> 個
> 女朋友都比佢嚇左一跳, 就問佢咩事啦, 咁個女仔就話覺得自己比野攪
>
> 跟住亞哥即刻打電話比佢亞媽, 佢亞媽係o係醫院做既, 幫死人打包果 d, 都識得下
> d
> 殯儀人事, 咁就即刻搵左個朋友一齊返屋企. 一返到屋企見到個女仔就知道都幾大件
> 事... 要搵 d 法師先攪得掂. 第日一行 6 人上佢屋企 (法師, 法師助手,亞哥 &
> 女
> 朋友, 亞媽同殯儀人事), 一入到屋巳經係見到個女仔坐左係度, 但巳變成另一個樣
> (女朋友話果個樣就係當日 '掘' 住佢果個男人), 咁法師就好似講數咁同個男人講....
>
>
> 原來個男人既屋企人要同佢搵老婆, 而果個紅色袋仔就係 d 禮, 如果個女仔做齊左三
>
> 樣野就等於接受 1) 帶左條金 2) 燒左道符 (代表婚書) 3) 回禮 (個女仔放左自己
>
> 隻介子入去)....所以個男人就死纏住個女仔到最尾, 個男人話唯一放過個女仔就要佢
>
> 將個紅色袋仔再放係第 d 女仔既手袋度同埋但凡清明、重陽，生忌、死忌都要拜佢(講
>
> 埋比佢地知葬係 TKO) 無辦法之下係屋企人都應成左 之後, 個女仔亞媽為求安心,
> 就
> 叫個女去泰國祈下福. 去到泰國果 d 廟宇, 僧人見到個女仔就話 "應成左人既野可以
>
> 做唔到, 但應成左靈體既野就一定要做得到, 如果唔係佢都係唔會放手架".....
>
> 咁到而家個女仔重 stay 係泰國
>
> 條手鏈係隻男鬼o既倍葬品！起骨時佢d家人搬返屋企架