鍾意一個人好辛苦,越鍾意就越辛苦,搞到自已成日神神化化甘好傻,好難受,自已又唔開心,搞到人地又唔開心,可能好似我呢種人唔適合拍拖啦..傷過一次,總係會怕有第二次, 唔知應該點樣去信人..

有時候真係好想去一個無人既地方,安靜甘死去,死,并唔可怕吧,可怕既係唔知死後究竟會面對一個乜世界,我知呢個問題無人可以答到我,可以答到我既人已經全部死曬!

唔知由幾時開既,開始變得鍾意上網,情願對住部電腦都唔想對住D人類,因為係網上我可以做返自已,可以做自已平時唔敢做唔敢講既野,反正都無人知我係乜水,唔洗驚會比人傷害!

係呢個世界上,大家可以相識相遇相戀,真係一件唔容易既事丫!但係,相愛?你又會愛我多久?講,好容易,但係做就真係好難啦!

唔怪你,我知你今日係愛我,但係你又點知聽日後日仲一樣甘愛我呢?你會愛我一世嗎?可能你可以答我可以,但係將來既事大家都唔知會點啦係咪先?連我自已都唔知,你又點會知呢?

就算你今日對我許下承諾,會愛我一生一世,但係到你唔愛我果日我可以點?係感情上係唔可以話你有罪的!根本上唔可以對你有任何懲罰!

又或者換個角度黎講,你係岩既,因為你愛我果時唔可以扮唔愛我,既係話你唔愛我果時都做唔到愛我!變心,并唔係你想既,起碼你曾經深深甘愛過我,不是嗎?那麼說,我是否要覺得好開心?

唔係,我唔要曾經擁有!我要既係一生一世,但係,有好多事并唔係我想點就點!可以避免既,我都想避開,唔想再痛多一次了!

睇返自已根本係無樣好!太過矮,無身材,個樣又唔掂,頭髮又差,對眼又...出身又唔好!假如可以既話,我真係想"重生"!

愛一個人,係想拒開心吧?拒開心我就開心?我真係無甘偉大啦,我愛一個人就係希望可以同拒一起,耐D耐D再耐D!但係,有時候真係會出現好多問題...

唔知點去信人,就好似以前甘樣去信人,做唔到,比人狠狠甘傷過一次,我已經沒有氣力去愛人了,我已經落左地獄,但係害到我甘慘既人呢?依然逍遙快活丫!點解呢個世界上無一個可以叛玩弄人地感情既人有罪既法院呢?

我記得你曾經拎住把刀跪係我面前同我講,要走就先殺左你,因為你唔可以活在沒有我地地方,但係結果呢?傷我最深的人卻是你!好難忘,果種痛,我呢世都唔洗指意好得返

我個"好妹妹",妳同我講妳無錢,我比錢妳洗,你离家出走無地方去,我收留妳,我真係當妳係我個妹甘,點知你搶左我男朋友唔單止,仲要一次一次甘逼我食死貓!到最後仲要話比我聽你無錯!女人何苦為難女人呢?

事情都過去甘耐,我知你地一定早就忘記,我知我唔會!生生世世我都會記住,要我原諒你地, 除非我死!

你真係玩我?但係你曾經為左我唔返屋企,又走去做搬運工,我知你做到很累,但係你去一句聲都無出過,將最好既留比我,但係點解到最後仲要离我而去?為何走果時仲係我個傷口上踩多幾腳? 真係好難以至信!

曾經愛我那麼深既人都可以甘對我,而你,你要我點信你?我知你好中意我,但係點解你連一句"我愛你"都唔肯講出口?

我知而家你好中意我,但係將來呢?你話一世姐,但係有時好多野都論唔到我地做決定,我令到你好煩嗎?我都知!

唉..好累..