有一日有個爸爸好累好累咁番到屋企，咁佢五歲個仔呢就係門口處等佢番黎…

「爸爸你番黎拿？！」

「係呀，好累呀，你唔好煩我自己去玩啦~」

但係佢仔仔仍然冇走開，企係佢身邊好似有野想問咁…

爸爸就問：「咩事呀？」

小朋友就問喇：「我可唔可以問你一個問題呀？」

「問啦問啦，咩事呀？」爸爸好不耐煩…

「爸爸呀，你一日番工，咁你一個鐘搵幾多錢呀？」

「問黎做咩姐，D大人野，唔關你事！！」

「我好想知呀，你話比我聽你一個鐘搵幾多錢丫！」

咁爸爸就溥衍佢：「呀廿蚊啦！每個鐘我賺廿蚊…」

「唔…咁…爸爸我可唔可以問你借十蚊呀？」

爸爸就好嬲喇：「問埋D無聊野，到最後原來想問我拎錢，你梗係又想拎黎買D無聊既玩具啦？冇呀冇呀！我咁辛苦搵錢，你就問埋D無聊野問我拎錢，你呀真係唔乖呀！你番入房呀！！」

仔仔就好冇心機番左入房…爸爸諗左一陣，冷靜左落黎，係度諗，其實佢都係想拎十蚊姐，又唔係成日咁做，算啦…

爸爸咁就行左埋去拷/仔仔房門：「訓左未呀仔仔？」

「未訓呀，係度呀。」仔仔好冇心機咁答…

跟住爸爸入到去就話：「拿，唔好嬲喇，頭先爸爸就惡左D，拿..比十蚊你喇！」

於是爸爸就比左十蚊果仔仔…

「多謝多謝！」

仔仔好開心拎左十蚊，於是打開自己個錢箱仔，拎左另外十蚊出黎，就總共二十蚊喇…

「咦！你有錢，又問我拎？！」

「唔係呀，呢度二十蚊呢，其實我想比你，買你一個鐘頭既時間，聽晚你早一個鐘頭番黎，我同你食飯丫…！」

==========> 杏子的話 <===========
人係為感情而生~~
冇左感情就會冇左一個好既人生~~
好多人都為左忙自己既野~~
而忽略左身邊好多人~~
係咪時候應該靜落黎~~
諗諗自己需要o的咩~~
身邊既人又需要o的咩呢......