呢篇野係為我最珍惜既朋友打的......佢就係Yiako

係我F.2果時,我有個好朋友-----小紅帽
我地好friends家.一小息.....我地就會手牽手衝落去買野食.
每個老師同同學都覺得我地好好感情!!雖然我地唔係住埋同一個區.
又唔係一齊返學,只有返學既時間先可以見到對方.
但事實我地真係好好感情家!!!
我地有咩唔開心都會同對方講既.....
不過有一次,唔記得因咩事我係學校發小紅帽脾氣呀!!
攪到我同小紅帽都喊左出黎,不過到最後我地都好返!!
但係過左無幾耐......小紅帽成日都唔返學呀!!
因為唔想返喇,寧願返工都唔想返學喎!!
我勸左好多次都唔返黎.我果陣時真係好唔開心家!
此時此刻,我知道小紅帽以後都唔會再返黎.
每日都係自己一個人落去食野,一個人去圖書館.......

有時朝頭早返學搭車時,都會見到Yiako同Yamoky一齊返學.
果時見到,我都會諗返起小紅帽家!
因為我知道Yiako同Yamoky既感情與我同小紅帽既感情都一樣.....
唔可以失去對方.

小紅帽唔再浦頭之後,我每日都自己返學.....
之後我有時搭車返學果時都會見到Yiako同Yamoky,
有時Yiako都會同我傾兩句既.
慢慢我同呢兩個都做左朋友,當然我同Yiako同一班,
我同Yiako緊係多d野傾啦!
Yamoky俾我既感覺就係"成日都唔出聲"因為我同Yamoky無咩野傾嘛!
相處左都有兩三個月喇!

但無幾耐Yamoky要移民去澳洲讀書喎!
Yiako當時既心情就好似我睇住小紅帽一步一步離開我一樣.
眼淚係心裡面一滴一滴流出黎.
Yamoky走左喇!一切都黎得好快,亦都走得好快!

升F.3喇!我好希望可以同Yiako一班.繼小紅帽走左之後......
此刻,我最好既朋友就係Yiako!真係好啦!我可以同Yiako一班呀!
我幾驚要同Yiako分班呀!

F.3----我同Yiako每日都一齊返學,放學.
有時我地放左學會去葵芳行街街.
我地都會講返以前我同小紅帽,Yiako同Yamoky既一d趣事!
我地既感情,對於我黎講.....可以話遠遠超越我同小紅帽!
唔知Yiako又點諗呢?

而家有d老師都會覺得我同Yiako就好似姊妹!!!
老實講.....我平時好爛玩家,咩都可以癲一餐.
所以攪到Yiako而家都傻傻地呀!要癲?大家一齊癲囉!!!
一齊扮傻婆,唱k時一齊跳舞,一齊做埋d白痴動作......
不過估都估唔到我同Yiako可以好夾呀!!!

我地大家都對大家好好!我會遷就Yiako,Yiako都會遷就我!
我地從來都未試過鬧交......可能因為我同Yiako都一樣......
自己既好朋友走左.....
大家都係同病相憐,好驚會再一次失去一個投契既好朋友.
所以我地大家都會好珍惜我地之間既感情!!

我唔想再令悲劇再次發生,唔想再次失去一個好知己,
唔想再一個人孤玲玲返學,唔想再自己一個人食野,
總言之.....我唔想一個人.......
我已經嘗試過一個人既滋味.好孤獨,好無助.
總之唔好受啦!!!我唔要再嘗試!!!!

不過我從來都無因為"我唔想再次一個人"而同Yiako做好朋友!
而係"我真係珍惜呢個好朋友,好知己"
我唔想連呢個"唯一既知己"都失去.....
誇張d果句"我寧願失去所有朋友;都唔想失去-----Yiako!!"

Yiako-----如果你睇緊呢篇野既時候,千祈唔好以為我又發癲,
無野做,求其打D野.....呢篇野可以話係我自己都覺得,
最流露得最感性既一篇野!
我平時先唔會得閒打埋D無謂呀!但我覺得呢篇絕對唔無謂,
因為我最想同你講既野都係哂呢度......

Friendship Forever!!!

Yamapi_Candy
19.11.2001 10:14 冬