手拖住手既感覺真係好
由其係當你拖住一個你鍾意既人
不其然就會有一種甜蜜同幸福既感覺
輕輕咁手環手
就已經感受到互相既濃情蜜意
將大家既距離拉得好近 好近
每當我地手拖住手既時候
唔單只感覺到有溫暖 仲有力量 信心
好似可以感覺到相方 對相方既關心 肯定
lee一切美好既感覺
其實都係因為我地都好愛對方
記得你曾經講過
你好鍾意同我手拖住手
由其係最鍾意我地十指緊扣既感覺
因為你覺我咁樣好有安全感
而我地都曾經拖住對方走過左好多好多既路
經歷左好多 好多 分享左好多 好多
但願係lee一世我地都可以十指緊扣
一齊走埋下半生......

兩個人手拖住手真係可以咩都感受得到
包括 可以感受到我地既感情去到邊一到
拖住既時間感覺甜甜蜜蜜更係好
但係唔知由幾時開始我就發現我同你手拖住手既感覺唔同左
雖然我地仍然係手拖住手
但係我已經感覺唔到以前個種既著緊同 不關心
睇住你同我一齊既時候變得越黎越彷彿 越黎越冷淡
真係令我覺得好不安 好難過
我真係好想問 其實你係唔係已經唔再愛我
因為係手拖手既時候我已再經感受唔到以前個種親近既感覺
相反我地既距離好似一日比一日咁拉遠開 變得越黎越遠
到左最後我地雙方心裡面都好明白係時候要放手
因為我地之間既愛情已經發出死亡既信號
再見啦!
係我失戀既lee一日
我將自己雙手緊扣住放係額前
為lee段失落左既愛情作出最深切 最深切既哀悼

神秘人觀後感:

嘩～～！！好淫呀呢篇野寫得