<泰國冒險之旅 19/03/2002>

今朝食早餐時間比尋日早左少少, 係泰國時間09:15, 食完又返上房訓左兩個鐘. 今日係自由活動時間, 我同大頭12:30出發去 world trade center 行, 因為前日係未行完既, 只係行左兩層半, 今日行埋餘下既三層半. 大約13:30 join埋佢地一齊食ZEN日本料理當lunch, 又係勁飽, 一人食左 $63. 然後又係行行行行, 行到18:00 先行哂. 買左好多野, 我同大頭先搭的士返酒店放低d野, 大約19:30再出發去唐人街食海鮮. 今次只有我同大頭兩個人咋! 幾夠彊呀! 因為今晚大口仔同 Raymond就約左個舊同學食飯 (個舊同學嫁左去泰國), 而PK佢地就話又去mango tree食飯, 但係我就唔想重複食mango tree, 想試下其他野食, 所以咪我同大頭兩個去唐人街囉! 食完街邊海鮮, 又去左食燕窩, 之後就搭的士返酒店.好彩今晚無驚無險咋!!

P/S 今日泰國全日洗費(搭車食野買野)TOTAL 3766 泰銖