有冇試過一直行或者想到某個地方，但係行極都走唔出原本o既範圍？又或者明明見到前面有人、聽到側邊有聲，但係又乜都見唔到？呢種類似入o左迷宮o既感覺，民間稱之為「鬼掩眼」。

電梯碎屍鏡子

九龍區一幢商業大廈裡面o既一間公司，一直流傳住一個鬼故——大廈電梯裡經常鬧鬼，所以大廈所有公司o既員工都寧願用樓梯上落，亦唔敢加班加得太夜。

金仔o岩o岩轉o黎大廈其中一間公司做信差，第一個禮拜返工就要OT，差唔多九點先放到工。由於實在太夜，所以雖然同事曾經同佢講過冇乜事千祈唔好搭電梯，但佢都照搭。

入電梯後金仔即刻按G o個個掣，而電梯內o既燈亦顯示電梯已慢慢下降。當電梯內地下盞燈著起時，金仔一腳踏出門，發覺電梯外依然係13樓。「死啦！原來冇才禁電梯！」跟住佢就立刻返入電梯，再才禁地下。「唔係喎，先頭明明才禁o左電梯o架！點解架電梯會唔郁？」

電梯又再開門，金仔再出電梯，但竟然仲係13樓！於是佢又再次進入電梯裡按下地下個掣，但係來來去去佢都係o係13樓，「係咪咁黑仔呀！大佬！」金仔心諗，再唔落就行樓梯算喇！

架電梯終於又落返，金仔突然想起公司有同事同佢講過有關呢架電梯o既鬼故。個同事話如果照電梯內個鏡，鏡中會出現一個血流披面o既女人。金仔越諗越驚，忽然感覺到有人拍佢膊頭，本能反應之下金仔即刻擰轉頭，但係佢後面見唔到人。當佢擰返正個頭時，突然間諗起，架電梯得自己一個，點會有人拍膊頭？

於是金仔再望向後面，後面只有一塊鏡。金仔o係鏡中見到一個著紅衫o既女人，個女人正慢慢由鏡中伸出上半身；望真o的原來個女人唔係著住件紅色衫，而係一件染滿晒血、濕到透o既衫。而且女人個身更唔停咁滴住血，至於下半身更係血肉糢糊。金仔被嚇到暈o左o係地上。

第二朝換班o既看更見到金仔暈o左o係電梯內，即刻Call白車送o左佢入醫院。金仔幾日後出院，跟住仲即刻打返公司辭工。後o黎金仔睇返舊報紙，先發覺原來大廈之前曾經發生電梯意外，電梯無緣無故由13樓跌落1樓 ，裡面o既乘客就因為電梯由高處跌下全部都斷肢而死。個女人好可能係其中一個。