【 好後悔當初接受了他, 更後悔當初愛上了他 】我咁大個女, 拍過八次拖, 致hurt都係今次, 更可能今次係我選擇最錯誤既一次, 竟然愛上一個唔係咁愛自己, 而又唔負責任既男仔, 更加被人玩得更澈底, 可能呢d就係我對以前果d男朋友唔好既懲罰啦! 真係好驚再有下一次! 而家我致知原來比人hurt係咁慘架!
而家同呢個男朋友分左手幾個星期, 雖然我有點唔開心,可能唔係好習慣, 但係我反而覺得舒服左, 無咁大壓力..同佢一齊果時, 我真係一d都唔開心, 佢成日掛住讀書(大學生), 唔理我, 有時連電話都唔打比我,鐘意就打, 唔鐘意就唔打; 好多時咩都要就晒佢; 而且我鐘意既野, 佢又唔鐘意, 佢鐘意既野我又未必鐘意, 好多時我都要咩都要就晒佢, 聽晒佢話, 仲有佢好唔比面我, 佢成日係我面前罵我d朋友呢樣唔好果樣唔好, 踏到人地一分錢都唔值, 佢又唔係好靚仔喎, 成日話我d朋友,嗯! 仲有, 我d朋友係度, 佢就一定唔會出黎架! (佢話有佢就無我d朋友喎!) 唉!同佢一齊真係好慘,無晒自由..
其實初時我都有諗過同佢分手架! 但係我又唔係好捨得喎, 結果都係無講到,但係隔左幾星期,佢都無打比我, 我打返電話比佢問佢點解唔搵我,佢就話我地性格唔夾, 不如分手..到左無幾耐, 佢係ICQ度又同返我講話佢以前既女朋友想同返佢一齊, 佢以前女朋友話好需要佢, 所以答應她..
我覺得佢好不負責任羅, 如果佢係當初鐘意我, 叫我做佢女朋友既話, 佢就應該忘記佢以前果個女朋友啦! 佢以前女朋友黎搵返佢,佢就唔要我, 成日搵值口! 佢好鬼過份呀! 佢跟本就係搵我黎攝時間, 等佢女朋友黎搵返佢! 我都唔知佢邊句真邊句係假?! 總之好多好多.........
其實我好憎佢, 但係我亦都好多謝呢個男朋友, 如果唔係今次我比佢玩, 我都唔會吸收到咁大既寶貴經驗同教訓, 以後選擇男朋友時真係要一定要小心!不過我亦都唔會原諒佢! ●