我兩隻兔仔一隻叫BB(白色)、一隻叫豬豬(啡色)。佢o地都係兩歲大……即係人o既大約廿歲到啦！
其實兔仔比起貓狗其實係難養o架！
一來佢o地生命比較脆弱，好易死，又好易病。
二來佢o地點都冇貓狗咁聰明，好多時教極都唔識，除非成日睇實佢啦！otherise要成日lock佢o地係籠，如果唔係就會四圍咬o野(由其係電線)、唔知食o左o的乜or四圍痾o野。
因為佢o地成日都會有得痾，所以要係個籠到同佢o地加木康，o的木康係冬天可以同佢o地保暖，又可以吸尿。
但要成日同佢o地換囉！都好麻煩o架！
所以如果真係要養佢o地，要有晒承受佢o地入去你生命o的心理準備，唔可以養養下話麻煩又唔養……(近年spca多o左好多呢o的小動物，好可憐！)有o的人仲就咁掉佢o地出街添！
仲有呀！兔仔最好養兩隻，會冇咁易死，最好兩隻女仔，一男一女生好多o架！兩隻男又打餐死！但如果養一隻，佢就會痴個主人多o的囉！因為冇同伴o丫嘛！