係返學既最後一日,個女仔終於鼓起勇氣拉個男仔去後樓梯同佢講"如果我話你知我鍾意左你,你信唔信呀??"
個男仔就話"信點會唔信呀?"
個女仔見到個男仔冇乜反應~
然後就除左手上既介子俾番個男仔就話"隻介子根本就唔屬於我既,俾番你!"然後個女仔走番入課室。
個男仔呆左一下,然後行入課室拎起隻介子俾個女仔就話"隻介子係你架~"
個女仔好嬲咁講"隻介子根本唔屬於我係你同你以前女朋友架!!"
個男仔嬲地咁講"我話係你既就係你架啦!"然後放係個女仔手中~就行開左~
之後個女仔就行埋個男仔道俾番隻介子佢然後走入廁所~然後個女仔個朋友阿sa跟左佢一齊入去就問喇"點解你俾番隻介子佢呀??"
個女仔好嬲咁話"我覺得佢可憐我呀~我唔使佢可憐呀!"跟住個女仔個電話就響起,原來係個女仔既好朋友比比打黎。
比比就問喇"點呀?有冇講到呀?"
個女仔就講晒成個過程俾比比知~
比比就問"咁你依家點呀?"
個女仔就話"我好想返屋企呀~"
比比話"ok la返到屋企打俾我啦"
個女仔同阿sa就行番入課室,入到去個女仔拎起個袋準備走，然後個男仔就行埋黎話"你咁快走喇~"
個女仔就話"唔係呀!我去廁所咋ma"
個男仔話"去廁所要拎袋架咩~唔好咁快走啦~不如去飲野啦~好唔好??"
個女仔就話"下....."
個d朋友就"今日都最後一日啦~去啦~"
之後佢地成班就一齊去飲野,個女仔越行越快~因為個女仔根本就唔想去果一刻覺得好想喊好尷尬好唔知點~
佢地就快到喇~個女仔就話"我想買野呀!你地入去先啦~"
阿sa就話"我陪你丫~"
個女仔就話"唔使啦~你地唔係以為我會走左去呀~"
其中一個fd阿vic就話"就係~"
阿vic就拎左個女仔本書就話"你依家可以去買喇~聽日就考試你一定要拎番本書先可以溫習~仙宗林見啦~"
個女仔好無奈咁行去買野,其實佢邊有野買喎,佢想走就真呀~
個女仔一面行一面同比比講電話"咁點呀~我好想走呀~"
比比就話"唔好呀~你聽下佢講咩都好丫~"
之後個女仔就行番去仙宗林佢行到過去只剩下一個位係個男仔旁邊,之後就係一幢牆~個女仔唯有坐低然後就叫野飲。
個女仔好快咁飲晒杯野然後話"我飲晒啦走得未呀~"
個男仔就話"佢地都未飲完,飲埋先啦一震我地去影貼紙相~"
個女仔好無奈咁"下??貼紙相~"
之後佢地成班就行去影貼紙相,佢地去選擇邊部啦~點知道行行下成班唔見左得番個女仔同個男仔。
個女仔話"依~~~佢地le~"
個男仔話"唔知呀~唔好理lu影相lu"
個男仔拉左個女仔貼紙相機到影相,個女仔影到個樣好牽強,好唔高興。
之後個男仔就話"你係唔係想同我一齊呀?"
個女仔聽到佢咁講好唔開心咁就話"下..你當我冇講過啦~聽日我冇事架喇~"
個男仔就話"點可以當冇講過架~"
個女仔話"我話可以就可以啦~"
個男仔見個女仔又再唔出聲就問多次,點知個女仔就答番同一個答案。
兩個人拎左張相之後就好唔開心咁上番去然後佢地見番d fd~d fd個個以為佢地可以一齊點知兩個都好唔開心咁既樣。
之後一個行東,一個行西。d fd就跟住個女仔行問個女仔發生咩事~個女仔係咁行,行到落地鐵站個女仔就係咁喊,係咁喊.........
唔好以為咁就係完喇~le道之不過係開始咋~想知道佢地可唔可以一齊就留意小猩猩(3)啦~