上年, 我係學校偶然認識左一個男仔, , 我地每日番學見到面都唔會點講野.....但係唔知點解我覺得佢總係有一種特別既......我又唔知點講......佢會令我有一種好想去留意佢既感覺, 我都覺得好奇怪, 因為我從未試過, 就算直丁依家都冇, 隨左個一次.

後來, 我每一日番學有時都會偷望佢, 只要佢一望過黎, 我就會好驚佢知道我望住佢, 慢慢我開始知道自己原來鍾意左佢. 我又各方面去收集關於佢既資料, 仲請朋友叫佢打電話俾我.....其實要佢打電話俾我, 係一樣好難既事.......因為佢好受女仔歡迎, 可能佢根本就唔在乎我.......但係係個一日我收到佢既電話, 我地傾得好開心.....不過, 第二日番到學校, 佢又好似唔認識我一樣, 招呼都唔打個!! 雖然佢既態度令我好失望, 但係我仍然日日係屋企等佢既電話.....終於, 過左一個禮拜, 佢突然打電話同我講.......佢鍾意我......我唔知係唔係真, 但係係個一刻我已經好開心啦! 跟住佢約我出街, 我梗係答應啦!! 不過自從果一次去完街之後, 佢又好似以前咁, 不理不睬.......又過左幾日.......佢突然冇再番學, 之後我先知道原來佢移左民......我喊左成晚.......

尋日......佢既朋友打電話俾我......話俾我聽佢仲記得我.......但係咁又點? 本來我已經開始學會點樣忘記佢, 但係佢突然間又係我既生活入面跳番出黎.......後來我知道原來佢從未試過同一個女仔表白, 而我係第一個......我雖然好開心, 但係佢已經走左, 唔會再番黎......我只係識得坐係張床到......諗番起見到佢既日子.......再將我收埋左好耐既眼淚任由佢地一滴一滴流出黎..........