我還記得元朗牛潭尾的夏天,有好多瑩火虫出沒.
我曾經告訴過你,我未見過瑩火虫,你講過你會俾我見到.
就0係一個好熱好熱0既夜晚,你帶我去牛潭尾,0個晚熱到我咩mood都無,唔想笑唔想講0野,但你,一直0係咁講笑逗我開心,呢個時候,一隻發光0既物體0係你頭上面飛過,唔知點樣,越整越多,Wa!真係好靚!之後你同我講,你已經搵到好多地方,先搵到呢度,希望可以俾到一個難忘0既回憶我!我..我忍唔住喊..我記得我喊到眼水鼻水都整濕哂你件衫,你仲猛咁話我醜樣,這是我一生都唔能忘記0既一晚....但...我無在意到你眼中的淚水.
一年之後,又係同樣0既夏天,同樣無mood但加多一份痛苦0既心情,黎到你長眠0既地方,我唔忍心望住你,我驚我會喊到收唔到聲,你話唔鍾意我喊,我聽你話,我咩都聽你,你話點就點,但唔好離開我...
我恨你,我恨你逼我去美國,逼我離開你,我恨你唔話我知你有cancer,我唔可以陪你走過人生最後一段路...但...我更恨自己,無0係你在生0既時候,同你講我有几....愛你....
而家..當我傷心落淚..已經無人可以再借過膊頭俾我,當我歡笑0既時候..已經無人陪我一齊大笑..我0既生命因為你0既離開而變得唔完全..
我太遲明白點解0個晚你比平時更想睇到我笑,更想見到我開心,同當你見到我因感動而喊時,點解會眼有淚光...我知得太遲...
你0既離開讓我明白唔好害怕愛人,唔好害怕講我愛你..對唔住..你可能帶住呢個遺憾..長眠地下.對唔住....
人生最痛苦的莫過於你愛一個人卻無勇氣讓佢知道你的感受..
當我離開0個陣,我見到有隻瑩火虫飛過,尾上0既光一閃一閃,我彷彿聽到你同我講...我愛你...