因為之前一排我"亂寫一通"，呢兩日我同阿伏厘厘傾開一些男女問題，大家都有少少相同見解；我之前亦提過：呢個時代, 到左咁既年紀, 好少女人仲係處女啦, 又唔係第一次發生關係,個男友又有要求, 自己又想, 唔通日日坐係度咩 ? 就算未知男友係唔係想同自已結婚, 都會要做架啦. 無乜選擇播… 經歷過跟幾個男人上床之後, 她們也明白到現在願意對女人負責的男人只會是越來越少, 不會是越來越多. 男人們也認識到對女人負責原來是笨小孩. 現在好男人都好易放棄再做好男人了. "又敘述一下伏小姐點講先: 咁我呢ｄ　女人都絕種啦我臨．．事關我呢份人可能係宗教影響家教係敢教．．結婚之前咪洗要我做個味野！同埋我又想搵番個無拈過女人既．．ｆａｉｒ　ｄ　．．．唉我都知難啦～ (各位如果乎合以上條件，請親臨伏厘厘小姐留言版留口信，抬頭註名"我係無拈過") (以上講笑，咪當真!!) 我唔係贊成婚前性行為；讀書時老師梗話唔好喇，阿爸阿媽知道唔打死你都鬧到你PK，你地明架，點解又係做左呢?? 哈哈，咪話我知係一時衝動，情難自制喎，記住"牛唔飲水" 呢一句。到呢幾年D人好似將個焦點轉左兩個字，由"婚前"改做"安全"，呢頭講環保但又叫你記得用"膠袋"...
唔知點解人越大(老)，覺得每個人，每件事無一定既對同錯，只有應該同唔應該，時代唔同，每件事都有唔同睇法；2000年前有人話耶穌基督係邪教，(當然我唔係贊成或反對阿老懵董講法輪功係咪邪教)，100年前做戲既叫戲子，依家唔紅果D我地都尊稱佢為"演員"，紅果D更加叫佢地"天皇巨星"；20年前要D人上台唱歌佢會灑手拎頭，10年前左右大家開始在卡啦OK爭咪；清朝D女人件低衫依家有人當面衫著... 點都好，我都唔想第時D人0係將來當果味野係遊戲...