想起前度女友, 不禁倍感唏噓. 她的種種優點,令我至今難忘~

一, 重視健康. 佢除左綠茶之外, 好少飲其他罐裝飲品. 有一次我買唔到綠茶, 俾罐可樂佢, 佢即刻反面 『搞錯啊, 冇綠茶飲!』健康之道, 牢記不忘.

二, 交遊廣闊. 上至學院博士, 下至販夫走卒, 佢都可以侃侃而談, 相談甚歡. 雖則多是鬚眉之輩, 更可證明佢一視同仁, 不偏不倚之心. 相比之下,我身邊只有異性朋友 2 , 3 個, 實在是乏善可陳, 相形見拙.

三,細心體貼. 逢打風落雨, 佢都會打電話俾我, 叫我記得帶遮...去接佢. 若天寒地涷, 普通異性最多是提你蓋多張被; 佢則不論寒暑, 只要我稍逆其意, 馬上叫我 ：『收皮啦!』 身體髮膚, 受之父母. 佢驚我有所損毀, 所以常常提醒, 體貼之心, 誰能比擬!

四, 知慳識吝. 行街購物, 深明錢財來之不易的道理, 決不亂花自己一分一毫. 同佢行完一整天街,滿載而歸, 佢銀包中三軍將士卻不曾傷亡一人, 神乎其技矣~

五, 淡泊名利. 雖則有以上優點, 卻從不誇誇自耀. 即使我想幫佢週圍宣傳, 佢都好嚴厲咁阻止. 試看天下女子, 貪名好利, 還有誰能像她一般,『視功名於浮雲』?