今日係青協開放的最後一日
夜晚係一間中學個禮堂到在個告別晚會
有成二百幾人出席我好耐見過中心有咁多人啦,
場面十分熱鬧, 係果到見返好多舊朋友同舊職員,
好鬼死開心;
整晚活動包括話劇,唱歌, 分享感受及自助餐.節目太多,整到成晚都好係唔夠時間用咁;
散場後有好多人返左中心繼續再玩,
不過有好多都唔識囉,有好多細路仔細路女,真係<十年人仕幾番新>而係我識的人入邊有D就唔聲唔聲結左婚有D就只係幾年冇見,一見就多左個老婆仲有仔TIM.
眼看以前的朋友一個一個咁結左婚,
真係唔知幾時先到我.......
我係中心坐左一陣,就同D朋友一齊走啦,
不過真係有D唔捨得係到有好回憶,
八年時間轉眼間就過去,
係到我做過義工,整過幾個活動,又玩過好多未玩過的玩意,學左好多野,佢真係陪住我一齊成長,依家一下只冇左,留下就只有段段回憶;而D職員就各散東西,以後再難有時間搵佢地囉,點都好,希望佢地去到新的工作環境能工作如意,事事順利.
~~再見,青協~~