~、~、~、~、~、~、~、~、~、~、~、~、
以下介紹的「火鍋占卜」能替你找出你的理想情人類型,同時幫你搵出最fit你的示愛方法.希望你ENJOY~ENJOY啦!
____________________________________
『PART 1』
請從以下6樣中選擇1樣你會第一時間放落煲0既食物,這代表了你的理想情人類型.

A. 魚蛋
B. 魷魚
C. 蝦
D. 水餃
E. 牛丸
F. 肥牛
~~~~~~~~~~~~~~~~~~~~~~~~~~~~~~~~~~~~
『PART 2』
請從以下6樣中選擇1樣你最常用的調味料,這代表了最FIT你的示愛方法.

A. 辣椒醬
B. 豉油
C. Wasabi
D. 蠔油
E. XO醬
F. 咩都唔落
____________________________________
分析:
『PART 1』
A.魚蛋---老實有咬口型
好聽D講就實而不華,難聽D咪老土囉!雖然佢唔多起眼,但一齊耐0左會發現佢其實幾有內涵.

B.魷魚---世界仔/女型
佢會係D牙尖咀利、世界性格的人,你被佢吃得開的談吐舉止所吸引。佢同乜人都可以打成一片,同佢一齊一定唔會有冷場.

C.蝦---巴閉型
佢會係愛出風頭的人,當然佢的確係身懷絕技至可以令自己自信心爆棚。咪理佢稱呼人少的性格,果種威風凜凜的氣質已令你「LUMP」晒!

D.水餃---幽默型
佢係個性開朗、充滿陽光氣息的幽默笑寶,佢言談風趣,動作同表情都交足貨.總之就為身邊人帶來「秒秒鐘歡聚歡笑」啦!

E.牛丸---反叛型
佢係D生性反叛、硬係同人作對、正牌包拗頸專唱反調的人。有意冇意間滲著幾分空虛寂寞,鐘意借出位言行來引人注意。

F.肥牛---孤僻型
佢比較我行我素,唔多鐘意埋堆,成鬼日都獨行獨斷、孤苦伶仃咁樣。認真睇落個樣都唔差,你就係被佢楚楚可憐的樣而起0左憐憫之心,不知不覺鐘意0左佢。
~~~~~~~~~~~~~~~~~~~~~~~~~~~~~~~~~~~~
分析:
『PART 2』
A.辣椒醬---窮追猛打
秘訣係一個「等」字!譬如等佢返學放學,然後扮有緣等埋搭同一班車;或者摸熟對方出現的時刻,以爭取大家見面機會。

B.豉油---數字攻勢
在特別的日子,如相識紀念日或大時大節的時候寄上賀卡,用數字去撻佢,For example:「從我認識你果刻到而家,你的印象已烙印在我的心1465日咁多啦!」。

C.Wasabi---攻其無備
抄王菲在《重慶森林》內的板斧,不動聲色咁在他/她身邊送上嫵媚支持,攻其無備,正當佢揭發你之時就係你得米的時候啦!

D.蠔油---戲假情真
扭轉英雄救美的橋,叫佢假扮你的情人去激退自己身邊的狂風浪蝶,從此拉近彼此的距離,搏取近水樓台先得月的機會。

E.XO醬---用錢掩眼
冇計!一定要出到最後一著---銀紙攻勢,買D小禮物,名牌就更好,以catch到他/她的attenion。正所謂無功不受祿,翜會明白你心意的!

F.咩都唔落---心計
借意同佢熟落,搵佢傾心事,繼而食住上經常約佢去街街,製造二人獨處的機會,又向佢訴苦,等佢為你抱不平時你已成功了一半啦!

~、~、~、~、~、~、~、~、~、~、~、~、