都生存左都有年18多喇,由細細個食飯要人餵;著衫要媽咪幫我著;返學媽咪帶我返學.到而家18歲女,要既係自由,尊重,物質生活,.......
乜都係一日一日咁變,但每年都係我身邊既媽咪,每一日都係返工,放工,唔係佢做錯既野都要比佢老公鬧,返屋企,煮飯.無論天氣幾凍都要洗衫,煮飯,睇住我媽咪一年比一年矮,一年比一年肥(微笑),一年比一年老,(但仍然係咁好氣鬧我>.<),但我就一年比一年曳,一年比一年壞,一年比一年唔生性.
升唔到中六不得至仲要攪到自己去外國讀書,真係覺得自己不孝,要佢擔心.阿哥已經身體唔好-有病,又唔肯食野,又唔識為自己打算,一個人去外國讀書.媽咪擔心佢,而家重要睇埋我去外國.真係好對佢唔住.
如果當初中五努力d讀書升到中六就唔使攪到而家兩個仔女都要去外國.留低佢同佢老公兩老,兩個人孤零零咁過之後個幾年,自己真係衰>.<.
自己明知佢都算老喇,重要成日都激佢,
成日都想出夜街,同朋友去玩自己既學業,
就乜都唔理,朋友就放係第一家人就永遠都放最尾...都冇為自己同媽咪諗過.
我記得媽咪講過:『你一日未嫁.你既幸福都係我手上』雖然我唔讚成佢咁講法,但諗深一層,佢都係為我好先咁講.
佢亦都講過唔準我拍拖,(我心諗,大佬呀~
有人鍾意我呢d,我都冇計),
但佢講得岩,如果我真係拍拖我一定兼顧唔到兩邊,所以我就努力咁讀好英文,唔想第時讀唔好書不得至,重side晒媽咪d錢,我唔想咁不孝.
我都想第時大個可以比媽咪好好咁享福,
唔想佢老左重要為我地兩條死仔擔心^.^