我錫你既時候你唔准縮。
你唔好俾我聽到你同不明來歷既女仔講電話。
你個電話裡面只可以有兩個女性既相，你媽媽同我。
同第個女仔合照更加唔得，你話唔捨得del既話，
我會以為你對佢有感覺。
我明白每個人都有過去，你會有舊情人既相呀信呀禮物呀，
但係唔好係我面前飄揚，有咩爛左唔好怪我。
我鍾意收情信
每日起碼要打一次電話俾我，因為我會掛心你。
你要俾我知你去左邊，我唔係要check你行蹤，
只係如果新聞話有三名行山人士失蹤，我要知道係唔係你。
我地未必可以一生一世，但希望你同我一齊既時候，每一刻都對我認真。
你心裡面諗d咩，一定要同我講，因為我好蠢，你唔同我直接講我唔會知道。
我去第2度你叫我玩得開心d既話，我會以為你唔愛我唔緊張我唔想要我。
我希望你會記得一切既大時大節生日同紀念日，
我唔會提，亦會扮大方，但唔代表我想你失憶。
唔好企圖或意圖用「只系妹妹仔者……」黎做藉口安慰我，
我唔會睇小妹妹仔既威力，因為我都曾經年青過。
唔准對我講大話。
唔准一腳踏兩船 (或以上 )。
出街一定要拖實我，因為我會蕩失路。
我唔揀飲擇食，所以食咩你話事
如果我遲到，都只係因為我想著靚 d見你，所以你唔好鬧我。
你最好唔好有一堆女性朋友同契妹之類既不明物體，
否則我會大你三十萬證明俾你睇我都有一籮男性朋友同契哥加uncle。
食飯時第一箸夾既食物記得要係俾我既。
鑽石同珍珠，我永遠都唔會嫌多。
我唔會問你我靚唔靚 (因為我知道我唔靚)，你最好諗定第二樣o黎讚我。
我知道你冇可能每秒鐘都掛住我，但係如果你全日都冇諗起我，我會好驚。
如果你著到成個板仔或者 MK Guy咁樣同我出街，我會面青。
如果你郁手打我，我一定會發癲喊住走。
Shopping 時你唔好企我隔離黑面。
我好樂意同你行你鍾意既舖頭，你唔需要怕我悶，我會自得其樂。
唔好批評我既好朋友，因為我同佢地共過患難，唔係酒肉朋友。
我好介意你望令女,比我知到,,我會殺左你
如果你見到我望住某o的野兩眼發光，
你可以留意下，唔太貴既就買俾我。
我鍾意食又平又好味既野，但係如果大時大節紀念日生日時都係食又平又好味既野，我會發火。
我喊既時候，你一定要哄我，因為我只會係好傷心好傷心既時候先喊。
你打機既時候，我會發癲咁對你。
你最好有一首只係屬於我既電話鈴聲。
如果你冇開口講，我都為你去改變，代表我真心鍾意你，請你珍惜我。
我好樂意幫你煮飯洗衫執屋，但係請你唔好當「奉旨」。
我會間唔時嗌「我好想嫁比你我好想生BB ……」但你唔需要太恐慌。
你需要比我更清楚我既電話no.我既性格..我想點*一定要比呀媽更+清楚
當你睇波既時候，我會問你「咩係12碼」等低B問題，
你唔好嫌我煩，因為我真係有興趣，但從來冇人教過我。
我會希望你將我介紹俾你既朋友識。
放假時我會間唔中留o係屋企休息，你即管出去玩，
唔好以為我係貼身膏藥你唔同我出街我就唔出。
因為我有一d唔係太開心既過去，對人好冇安全感。
所以請你用用行動話俾我知你對我係認真既，你唔係玩玩下。
你唔需要係有錢仔，但係要有上進心，想出人頭地。
你一定要有自己既理想。
我唔會問你「我今日有咩唔同」，
你唔需要每次見我都恐慌性將我由頭到腳scan一次。
我想睇日出。
我有寫 blog既習慣，如果你發現個篇係講你既，你最好俾d反應我。
我好刁蠻任性。
你要做我既人肉地圖。
我M之前一個星期會情緒暴躁，你要小心d 。
我發脾氣cut你線，你一定要打番比我,,氹到我開心番為止
你煮飯俾我食，就算只係一碗餐蛋麵，我都會開心過食鵝肝。
我同你講野既時候自不然會嗲聲嗲氣，我都冇辦法架。
我好有興趣知你既戀愛史，最好由頭到尾同我講一次。
因為愛你，我會珍惜自己，要自己身體健康，叫自己開開心心，你都係。
如果有一日，我地分左手，我都希望可以繼續做朋友。[[一定唔可以分手]]
我最憎人唔信我。
如果你愛我，你唔會捨得要我傷心。
一個男人對女人最大既尊重係向佢求婚，其次係帶佢返去同父母食飯。
男朋友既功用係對女朋友好，女朋友既功用係對男朋友好。
好多事唔係我懶扮唔識搵你做，而係我真係唔識。
我希望你間唔中都會俾比d小驚喜我。
你講過，而我又應承過既，我一定會做。

唔好熄電話，萬一半夜我要去急症室我會想你陪我。
如果你見我個樣冇乜表情，唔係我唔緊張你，
而係愛一個人就會變得笨拙，我唔知用咩表情面對你好。
如果有人追你，記得同我講，我會用掃把掃佢。
好遺憾我冇機會細細個就識得你，
所以宜家請你俾多d時間我，俾機會我去了解你
你唔開心既時候我會靜靜行開俾時間空間你冷靜，
但過後我會想你打返個電話俾我，因為我關心你。
著得sexy 係有兩個原因：1. 我覺得靚 2. 等你緊張我。
你要記得間中同我講「 I love you」，否則我會以為你唔再愛我。