首先我會解釋 點解要愛自己先有人愛
對於依家既我黎講 望住出面既人
我就會想像佢地同自己既價值
就好似錢既面值一樣
有 d 人會係 1蚊 有 d 會係 5蚊 10 蚊 到1000 蚊 100000 蚊
有 d 甚至會係無價值 homeless gwa
點樣去衡量自己係咩價值 le ?
視乎你既 學歷 工作 前途 ( 樣貌 ? i guess )
咁就或者可以解釋 點解對上一個我愛既人 或者愛我既人
會選擇離開 ---- 答案係價值唔一樣
如果一個5蚊 同 1個 100 蚊 係一齊
有 d咩問題 ?
學歷唔一樣 代表唸既野可能都唔一樣 試問一個小學生點同一個大學生溝通 ?
工作唔一樣 代表性格可能都唔一樣 身邊朋友既 level 會唔一樣 試問係大公司返工會識倒 白粉友 或者 黑社會 嗎 ? 因為身邊
既朋友會改變你對人對事既唸法 從而改變你既性格 就好似同 d 好學生一齊 就會比較想努力讀書
前途唔一樣 代表對將來既理念同構想都唔一樣 如果你得1000蚊個月 會唸供樓嗎 ? 對將來既規劃都唔一樣 咁2個人係咪行緊同一
條路 ?
所以 愛自己 就 = 增值 自己 因為如果自己既面值係得 $ 0 , 試問 如果你係 100 蚊 會 鐘意 $ 0 ?
如果會 咁你就一定係屬於外貌協會 (外貌都係一種價值 ﹐ 樣夠好既就可以去做明星 )
唔會既就係物質協會 ( 或者叫 有米協會 ) 當然一定會有外貌物質協會
唔好同我講你唔會以貌取人 我唔相信呢句話 ( 就好似有2個追求者 ﹐ 2 個 所有地方 都好相似 只有外貌唔同 ﹐ 一個樣有 8分
一個得 2分 試問你會揀 2分 果個嗎 ? 點都好 8 分果個 對你黎講 會有先入為主 既好感 ( 印象分 )如果你依然會揀得2分果個 ﹐ 答案得 2個 ﹐ 2分果個 係 物質協會 既 分數一定 會高 過外貌協會果個
或者你有病 i mean 傻既 ﹐ 無論你 buy 既 係外貌協會 定係 物質協會 你都係一個以價值去衡量 一個人既 人
或者有一種人會 buy 果 d 所謂 feeling , 我可以同你講 ﹐ 如果2個人既價值唔一樣 果種2個人既距離 比分隔2地 既 果種 物理
上既遠 更加遠 可以係一齊既機率唔會等於 0 既 ﹐ 同中六合彩 一樣 但係請記住 唔分開既機率 都係同 中六合彩 一樣
如果要相信 feeling 都可以一齊既 等中左六合彩先 ( 講 feeling 都要你覺得順眼先得架 ﹐咪又係外貌協會 )
打到黎呢度 我就發現左一個矛盾或者無人解答到既問題
愛自己 先有人愛 愛自己既方法有 增值 咁比自己揀好 d 既 又算唔算愛自己 ?
如果我依家有個 $ 50 蚊既 女朋友 但係當我有一日增值到自己 $ 100 而呢個女朋友依然停留係 $ 50
係咪會因價值唔一樣 繼而分開 或者我要搵返 d $ 100 ( 請唔好誤會我係一個貪新忘舊既人 或者升值果個係佢 停留個個係我
到最後被拋棄果個係我 到時邊個會同我上訴 因為一開始 佢揀我 或者 我揀 佢 都係 base on 價值 如果價值 變左 就應該去變 ?
如果愛情 係 base on 外貌協會 或者 物質協會 或者 外貌物質協會
要得到愛情就要 愛自己 愛自己 = 不斷增值自己 = 不斷換畫 咁樣愛情重有無意義 ? 愛情係咩 ? 如果愛情 = 價值
咁重會唔有所謂既真愛 ? 其實係咪每一個人都好虛偽咁去掩飾所謂既<<愛情>>
到最後我只可以講 ﹐搵到同自己一樣價值既另一半 係緣份 當你搵倒之後 就要刻意咁同小心咁去經營
2個人一齊增值 就好似所謂既愛情 就好似2人3足 唔可以一個快一個慢 就 等於 唔可以一個升值 一個貶值
如果唔想再比人拋棄 自己就要經常處於一個強勢既位置 例如自己既面值係$500 既就去搵返 d $ 100 既
果d $100 既永遠無拋棄你既理由 就算有 我唸你都唔會點覺hurt 問題係 first of all 你會唔會鐘意 $100 當你係 $500
只有 $ 0 既人先會無價值觀 因為佢地連選擇同被選擇既權力同係 0 可能係呢類型人既眼裡面先至無法識別美同丑
如果你自認係一個唔會以貌取人既人 最低限度 係你人生入面無 丑 呢個字既定義
如果你自認係一個唔會為五斗米折腰既人 試問你挨過餓未 露宿過街頭未
唔好成日埋怨自己點解成日比人飛 要知道你自己都係一個醜惡既人類 會以價值去衡量一切
你永遠都處於一個比人拋棄既位置只係因為你價值低 唔好再怨天由人 wake up before u down grade to $ 0
你可以唔會再比人飛 你可以比自己揀好 d 既 方法 只有 升值你自己
唔好再自暴自棄 有 d 人 就算你去死 佢都唔會再返去你身邊或者望多你一眼 更何況你自暴自棄 如果你既自暴自棄唔係為左令佢返黎你身邊既 咁你自暴自棄既意義係咩 le ? 人生係短暫既 你總會搵倒你既最愛 與其自暴自棄浪費自己既時間 不如換個角度 如果你可以將呢的d 浪費左既時間 去升值 自己 咁你既下一個搵倒既就 只會係 更 好 既 ﹐ 如果呢個佢又咁巧合係你 要搵既你生命入面既最愛 咁係你既有生之年入面 咪可以提前去愛佢 愛多佢幾年 lol
如果你話你真係鐘意左一個比你面值低既人 而呢個人又好唔珍惜你
我奉勸你 你可以揀好 d 架 會有一個更識得愛你同珍惜你既人 希望藉住升值你自己 你既聽天 再唔係只有眼淚
會係新既 美好既一日