各位朋友．如果想做美容依一行嘅話．千其唔好去Ｐｒｅｔｔｙ　Ｈｏｕｓｅ（儷凝美聚）度做呀！佢依間公司好鬼克薄架！

因為我喺依間公司做過．好鬼克薄呀！你辭職佢就扣你勤工（亦唔會按比例發放）、放假嘅薪金、佣金、培訓費＄１，０００～＄２，０００（做第一至第三個月扣＄１，０００；由第四個月開始就扣＄２，０００），仲有你一話辭職之後就．．．o個邊ｄ經理就會對你特別衰，就算你有事要『請事假』，佢都唔會俾你請事假，仲話要你一定要返，之後仲話『你可以唔返嘅，咪當你曠工囉』！噤我真係有事，無理由唔俾人請事假架嘛！佢使唔使話我去曠工呀！『事假』同『曠工』咪都係要扣＄１，０００，佢使唔使咁執著依兩個字呀！我唔係要求佢認同我、信唔信我有事要請假！我只係知會佢一聲啫！話明『知會』佢一聲，即係唔使佢去認同！問咁多野做乜丫！喺度問長問短！

仲有你請病假，有醫生紙都要扣＄２５０，無醫生紙就要扣＄１，０００。噤病都有罪咩？！噤都要扣＄＄，咩鬼公司呀！！！！！！