01）妳「喊」，無論是否我的錯，我都一定要哄妳。

02）妳見到靚仔都會望，這也是天生的。

03）妳「哦」我都是因為妳關心我和緊張我。

04）我知妳唔係全世界最靚，但我希望妳覺得妳係，我會時不時要讚妳人靚歌甜樣靚身材正可愛溫柔同得意。

05）所有大時大節紀念日同生日，我必須全部都記得。

06）妳所有濕濕碎碎野都好想同我分享，例如妳用咩化妝品同護膚品，雖然我未必會明，但希望我會扮聽。

07）當我滔滔不絕地發表我對工作細節電腦軟件NBA英國足球聯賽等等的意見時，妳其實也是在唯唯諾諾地扮聽。

08）妳 M 時係大哂，可以大條道理發脾氣，最好一個月忍妳幾日就哂妳。

09）每日去任何地方時都要 CALL 話比妳知我位置及同邊個一齊，比妳清楚哂我的行蹤。

10）同一個笑話同話題，可唔可以盡量唔講得多過廿次？

11）妳發脾氣CUT我線，其實係想我即刻打番電話來再哄我。

12）妳會好介意我有一Ｄ有不良嗜好的「兄弟老友」，認為佢地一定會帶壞我。

13）在妳的朋友面前，妳希望我可以表現得比平時更錫妳同緊張妳。

14）妳煮飯比我食時，我唔可以覺得係奉旨，一定要「話」好食。

15）鍾意我努力工作，但都要盡量抽時間陪妳。

16）如果妳同我講話要減肥，其實最想聽到我同妳講：
> 「妳一Ｄ都唔肥，唔使減啦，我鍾意咪得囉。」

17）CHECK我電話的來電顯示是妳的嗜好之一。

18）妳最希望我唔好有任何女性朋友、紅顏知己或契姐契妹之類的物體。

19）妳好有興趣去知道我同舊女友的事，愈詳盡愈好。

20）無論拍左拖幾耐，妳都渴望我時不時比Ｄ驚喜我。

21）妳要我時不時對妳講「我愛妳」，否則妳會假設我唔愛妳。

22）發脾氣時要即時哄番，唔好比時間妳冷靜下，其實妳完全唔需要時間冷靜。

23）雖然已經有左我，但如果有人追妳都會沾沾自喜。

24）購物是女人的天性，請不要阻止或對妳的購物行動有甚麼意見，最好間唔中資助下妳。