肉麻無罪
Composed By: DJ Tommy
Lyric By: 6永

第一次咁需要　第一次想
第一次諗起你會偷笑
第一次咁鐘意
第一次咁想呢一次係最後一次

唔駛怕　唔駛怕唔係大話
邊個話　我係一個rapper就唔可以咁肉麻

係我同你o既Story太嘔o既話我Sorry
唱o的咁o既歌都淨係想你知
I want you be my lady
我想第時　同你試試
用一條鎖匙　同一個座廁
我都想可以嗌嗌你媽咪做媽咪
唔再嗌你Auntie
Oh honey　唔好介意
我冇money　只有真摯o既心意
你o既心事　我通通都想知
我鐘意你又點會介意
你似欣宜定柏芝
我要令到你廿四小時
日日都嗌Ki mo chi
我要令到情人節都冇晒意義
唔駛刻意　送禮物
因為o個一日　就係我o地o既每一日

唔駛怕　唔駛怕唔係大話
邊個話　我係一個rapper就唔可以咁肉麻

你望住我像河看海　我望住你如何按奈
酒不醉人　人自醉
唔通肉麻都有罪
我o地都有過去　都有愛過o既愛侶
唔會抹走你o既過去
但我會抹走你所有眼淚
再流都係開心o既眼淚
陪你過以後每一歲　一世一對
原來你係我一直搵一直等一世一齊
o個一個伴侶

如果只可以見你一天　我希望係以後o既每一天
如果只可以見你兩天　我希望係白天同晚天
如果只淮我見你三天　可以係昨天今天明天
只淮我見你四天　春天夏天秋天冬天
俾我見你你七日　我希望係星期一到星期日
係咪好娘好核突?
我就係勝在夠老實
你問最期待邊日
我話你聽係我嗌你老婆o個一日

怕你聽得太多　太過傷心情歌
咪怪我肉麻過火　我只係想造首歌
記錄你同我