※※小說需要你們的支持才能繼續下去※※

『相識的二十天』

【第七天】(中篇)


突然…聽到電話鈴聲響起，我覺得好嘈…最後發現整醒我，先知道自己原來係發緊夢…
原來係夢…我冇同儀出街…唔知點解，我覺得好失望，我拎起個電話睇，係阿儀打黎！？
今次又會唔會係發夢？到底…會唔會好似夢咁樣發生？約我出街？定話呢個只係夢中夢？
我證實自己呢一刻唔係夢之後就聽阿儀電話


儀：響左好耐啦…

我：sorry呀，頭先訓緊覺

儀：下…咁我咪嘈醒你？

我：唔緊要啦…我都訓左好耐喇

儀：哦~~


我唔知同唔同儀講我發夢見到佢好，同佢出街…因為我驚，又怕羞…
但我又想見下阿儀…我真係冇用，唉…算啦，順其自然吧喇，有緣既遲d都可能有機會見


我：妳今日諗住去邊呀？

儀：可能同媽媽出街，做咩呀？

我：冇呀~~八下之嘛

儀：八公，哈哈！


阿儀真係好似忘記左件事咁…幾日就可以忘記？定話係自己呃自己？
不過見到阿儀咁，我真係唔想提，假如儀真係好返d，我一問佢咪又唔開心…
雖然我唔知我呢個決定係岩定唔岩，但我真係唔想見到佢咁


儀：咁你今日又去邊呀？

我：我都唔知呀，應該都冇地方去架喇，如果冇人約既話

儀：咁你咪約人囉，女仔嘛

我：下= = 我邊有女仔丫…

儀：哈哈！我唔信XDXD

我：咁係嘛…


女仔真搞笑…講又唔信，但又要講喎，咁講黎做咩呢= ="
妳講真話就唔信，講大話就信，唔通女仔鍾意聽大話？


我：係喎，妳幾時online呀？

儀：唔知呀，做咩？

我：冇呀…妳唔online搞到我部電腦都冇咩野好做…

儀：我有冇咁大吸引力呀@@

我：哈哈！儀喎，緊係有啦^^

儀：超~~又會既XDXD

儀：我唔講啦，我要出去啦，記得掛住我啦

我：哈哈哈！我得閒先掛啦

儀：乜你好忙既咩.\w/.

我：唔係><

儀：哈！我講笑姐~

我：= ="

儀：好啦~~拜拜


收左線之後冇幾耐又接到一個電話…


珮：喂~~點呀，出唔出黎玩？

我：下…又出？去邊呀，有邊個…

珮：mu…我同你囉，好冇？

我：咁妳都未答去邊- -"

珮：去海洋公園丫！呵呵~

我：下…妳講真架？無拿拿去，好突然咁= ="

珮：吼！咁即係去唔去呀！本小姐約你都唔出！

我：下…咁……好啦= =" (感覺上好似被迫咁=口=")

珮：咁好啦…10點鐘金鐘mtr見啦~~

我：係係係~好啦

珮：唔好遲呀！如果唔係打獲你XDXD

我：乜而家d女仔咁粗佬既- -"

珮：哼！話我粗佬，我不之幾斯文

我：好啦，唔講廢話啦，我起床先~


收左線之後我拿拿聲搞野，因為佢好似當金鐘係我屋企留下咁…d時間咁急= ="
不過兩條友去海洋公園好玩咩= = 我真係未試過…

出到去金鐘mtr已經係10點15分…遲到- -" 已經見到珮係面前…
佢今日著得靚過上次@@
估唔到會同個靚女出街…哈哈，搞笑= =


珮：衰人丫！！！！遲到.\w/.

我：鬼叫妳d時間咁急咩…

珮：你即係怪我啦.\/.

我：唔敢唔敢= = (而家d女仔真野蠻…靚…但野蠻)

珮：好啦，咁我罰你啦~~

我：下…罰咩呀@口@

珮：請我去XDXD

我：其實妳係咪一早計劃左架= ="

珮：我冇架，咁你係遲到嘛…

我：我冇乜錢呀><"

珮：我講下之嘛…你真係得意既姐，入到去請我食飯算啦XD

我：好啦好啦~~咁塔車啦~

珮：嗯…


《下集繼續第七天 》
======================================