終於都寫第4個故事...其實諗左好多都冇mood寫...但突然間好有mood寫呢個...

其實緣份係乜野黎呢?...有幾多人又會信緣份呢?...有緣份既人又係咪可以成為情侶呢?...突然間想寫1個有關緣份既故事…但係個故事結局想你地幫我決定…因為我都唔清楚緣份係d乜…雖然個故事好長…但希望你地可以俾個答案啦…



4月13日

阿迪: 今日係藍田地鐵見到有個女仔…開頭都冇特別留意佢…但係當到達調景嶺站既時候就留意到… “點解個女仔咁高…但身邊個男仔係邊個呢?...好唔match喎…唔會係男朋友呀…完全係浪費law…如果我佢係我女朋友就好…因為一直我都想有個咁既女朋友…所有條件完全附合我既要求…不過算啦…邊有可能識到…” 之後就係寶琳站落車



女: 今日男朋友已經失蹤左幾日喇…幾時先聽我電話呀…但點解好似有個男仔不停望住我呢…佢有乜問題呀…成個咸濕佬咁…但咁年輕又應該唔會…不過望望下佢都唔差…都有d附合我既要求…唔知冇左之前個男朋友…佢會唔會係呢?



4月15日

阿迪: 今日係網上面識到個女仔叫阿琳…佢又係好高…著衫又幾好睇…又係我鍾意既類型…不過都係做friend算…都唔會約出黎架啦…之後不繼keep住同阿琳傾…傾左好多關於佢同之前男朋友既事…佢男朋友突然間話失蹤就失蹤成個星期…之後話分手就分手…冇俾阿琳選擇過…但係阿琳仍然等佢



4月18日

阿迪: 今日同個friend出左mk…之後送個friend過body shop等人既時候…個friend突然間同我講有個女仔好高好靚…我望左幾望…突然間個女仔叫我…原來佢就係阿琳...估唔到我地第一次就係咁樣見面…見到佢之後更加肯定佢係我想要既類型…之後幾日都同阿琳傾左好多野…大家都話估唔到會咁見面…因為我其實冇諗過會約出黎見面…但咁都俾我地相遇…係咪緣份呢?...



4月23日

阿迪: 同阿琳第一次出街…雖然有d人都幾煩…但成日大家都好開心…大家完全唔似岩岩識咁…一路行一路玩一路笑…同佢相處既感覺真係好舒服好開心…最後仲傾左好多關於佢男朋友既事…佢仲未放得低佢之前個男朋友…所以我都係冇講我鍾意佢…而且我都仲未肯定我自己係咪真…



4月25日

阿迪: 同阿琳第二次出街…開頭大家都好開心…但行行下既時候…阿琳突然間見到佢之前男朋友就好快咁叫我行開…聽到呢一句既時候…個心唔知點解突然間好痛…就好似俾人遺棄既感覺…所以我選擇左走…但係我又唔捨得…之後阿琳打番俾我既時候我冇聽到…佢send sms我都冇覆…最後我決定俾多次機會大家…如果我行去搭車既途中可以再相遇既...就當係上天安排…唔知係咪緣份既關係…佢竟然第一時間就係我面前出現…係咪緣份要我地一齊呢?...但之後睇住阿琳因為ex而唔開心…個心都真係幾酸…送完佢返屋企之後…我決定同佢講我鍾意佢…之後佢叫我俾d時間佢…佢想忘記左ex先



當晚我地傾電話既時候…大家突然發現一樣野…原來阿琳就係4月13日我係地鐵站見到個女仔…



原來緣份一早就已經安排大家相遇…一直就係自己身邊



4 月29日

阿迪: 今日同阿琳出街…第一次拖住佢既手…但到依家我都仲未知道佢既諗法…究竟我地既關係係點呢?...夜晚既時候聽到佢一個電話…由佢既說話同語氣應該係佢ex…送完佢返屋企之後打俾佢…佢傾緊電話…話遲d打俾我…但最後…



4月30日

阿迪: 成晚都訓得唔好…不停咁諗好多野…等左佢成日電話都係等唔到…放工打俾佢佢又趕住收線…之後成晚都冇再打俾我...結果係我send sms俾佢既時候佢先打一打俾我…但都係話唔方便而好快收線…究竟發生乜野呢?...就算忙極都可以講一聲…定係我真係諗得太多呢?...最後我只係想同佢講一聲 "我愛你"



如果你地係阿迪你地會點呢?...選擇離開阿琳定係繼續愛佢呢?...究竟阿琳應唔應該同阿迪一齊定係應該等ex呢?...究竟佢地係咪有緣份呢?...