今日終於寫埋第3個故事…不過有d已經唔記得左…所以同本身有d出入…



每座寫字樓都會有唔同既男男女女出入…當中有熟識有陌生…但每個人總會對1,2個異性有特別好感…可能只係一殺那既感覺…又或者已經變成暗戀…每日返工食lunch放工都會期待能夠望到對方一眼…而我近期亦都開始每日期待見到一個女仔…佢係一個細細粒幾cuite既女仔…有陣時會著OL裝有時會著番便服…但可惜佢已經有一位男朋友…因為佢男朋友都係附近做野…所以每日都會過黎陪佢食飯…我只能夠偷偷望住佢…唔知係我望得太明顯定係時間已經過左一排…佢開始留意我既眼神…依家每次相遇…當大家既眼神有接觸既時候…佢總會有意無意咁避開…而且塊面仲會紅起來…大家都好唔自然…但因為佢已經有男朋友…所以我都無再進一步…就連佢個名我都仲未知…

今日係24號聖誕節…其實今日我好想見到佢…可惜今日係星期六我唔駛返工…所以冇機會見到佢…因為冇女朋友既關係…又唔想阻住朋友拍拖…所以決定自己一個人去睇戲…去到戲院見到一pair pair情侶…雖然都已經幾年自己一個人過…但感覺還是酸酸的…買飛既時候見到都有一個人黎睇戲…咁我就決定買佢隔離既位…想睇睇究竟邊個同我一樣咁寂寞孤獨…當我入到戲院既時候…身邊既人竟然係佢…當時大家你眼望我眼完全唔知應該有乜野反應…好在套戲岩岩開始如果唔係…之後睇睇下大家越坐越新近…戲院亦都開始凍…之後我就除左件外套俾佢…而佢亦都挨左落黎…散場之後我同佢都只係坐左係度唔知應該點…之後我終於同佢講左第一句野… “你一個人?...不如今晚一齊過聖誕?”…之後我就同佢食飯睇燈色…最後我地就落左間pub飲野…成晚大家都好開心…不停有講有笑…而且都玩得好癲…同一般情侶冇分別…

“點解你唔問我點解一個人?...唔問我男朋友係邊呢?”…

“好多野都唔需要知道得咁清楚…你自然有你原因…而且你會講自然會講”…

“我同佢分左手…我知道左佢同第2個女仔上床”…

“算啦…唔好唔開心啦…佢咁對你你更加唔值得去為佢傷心…聖誕係應該開開心心…仲有我係你身邊陪你”…

出左間pub之後大家又再次你眼望我眼…之後佢突然問左我一句

“你係咪真係鍾意我?”…

突然間我都唔知俾乜反應…只係好直接答 “係”…佢就攬住我…最後大家一齊返左屋企…之後佢亦都成為左我女朋友…




接著2個月大家差唔多日日都會見面…大家都好開心幸福…當我以為真係得到幸福既時候…有一日突然間見到最唔想見到既野…佢同佢以前男朋友拖住手係我面前面對面經過…當時大家都呆左一呆…而佢ex應該唔知我地既關係…我當時唯一可以做既反應就係扮乜事都冇行開…雖然我個心好痛…但係我都唔想俾佢ex知道而破壞佢地既關係…或許我同佢ex身份已經掉轉…依家我先係ex…我只能夠拎轉頭望佢最後一眼…其實我都好想爭取佢返黎…但係明知佢個心已經唔係我…我都無謂勉強…唯有放手祝佢幸福...但係最痛既係佢分手前對我既說話…
“對唔住…我知道你好愛我…對我亦都好好…但其實我個心一直都仲係我以前男朋友度…我同你一齊只係想有個人係身邊…我唔係真係鍾意你…我已經同番ex一齊…不過都要多謝你俾左個好開心既聖誕除夕我…但係我唔會記住…因為你對我唔重要…你亦都唔好再諗起我…就當冇識過我…”



但覺得從前情人在世上並沒存在
多年來從未真正去被愛
來來回回我只站在門外
一時糊塗妳只當做意外

纏綿遊戲過後　為何能捨得放手
是定律或是愛不夠
告訴我這段纏綿遊戲過後
為何情不可永久　是事實並沒有真愛
或根本我未看透


同佢分左手之後我都轉左工…每日都以酒消愁…希望飲醉之後可以忘記佢…但係每一日都會重現番我同佢生活既日子…完全放唔低佢…無論身邊出現幾多女仔…我個心仍然只係得佢既存在…日子不斷咁過…唔知係時間長左定係酒精既影響…我既感覺開始麻目…已經唔識再分開心唔開心...已經唔知道自己係邊個…原來我唔只失去左佢…連自己都失去…雖然同佢時間好短…但愛情唔係用時間去衡量而係我放左幾多個心落去…可惜換來既只係傷痛…



躲於衣櫃裡 躲於失落裡
躲於黑暗不想掛念誰
愛上凌亂 截斷電源
為著要適應即將要獨居
躲於思念裡 身心倒下去
躲於這個自卑的堡壘
愛上沉睡 厭了恨誰
喝醉來麻醉 來渡過夜裡

今年時間過得特別慢…終於都等到聖誕…經過左呢年之後…諗通左好多野…亦都開始重拾自己…但已經害怕愛情…害怕再去愛一個人…害怕受傷害…寧願自己一個人…等待一個愛我而我又愛佢既人出現…

24號既今日又再次黎到呢一間戲院…又自己一個人睇戲…買番上年我坐個位…入到佢竟然見到佢坐番上年個位…散場之後佢同我講 “我知你一定會自己一個人黎睇戲…所以我係度等你...一個人呀?...不如一齊過聖誕?”
“sorry…我唔識你…我想自己一個人過”…之後我就自己一個人走…



縱使死心等於背著良心　

然而明知道故事會怎發生

緣份不會降在我身　只會挫敗我心

怎麼配做你的情人