『相識的二十天』

【第六天】(上篇)
由於尋晚我好夜先訓，所以今日訓到成2點幾，因為今日係星期六，
一醒左，就覺得尋日所發生既事就好似夢一樣，連我到而家都接受唔到既事情，
何況阿儀？我諗阿儀一定好辛苦，但我都幫唔到佢d咩…我突然覺得我自己好冇用
由尋晚同阿儀最後通話結束，阿儀都冇打過俾我，就連sms都冇，我繼續打佢手提
都係一直出現『你所打既電話，暫時未能接通』，可惜我唔知佢住邊，想搵佢都搵唔到
而家阿儀突然消失左係我面前，感覺好似消失左一個朋友一樣……

A同學突然打俾我約我…哈！還有朋友…


A同學：喂~你點呀？今日又係屋企呀？

我：下…你識左我咁耐都知我好少出街架喇~

A同學：咪咁啦…你鍾意個條女呢？冇搵佢咩？

我：我幾時有鍾意佢- -" (唉……我都唔知我係咪鍾意…)

A同學：超！咁你又問我咁多野~~

我：是但啦~你今日打黎就係問呢d野？

A同學：唔係架，不過唔知點解我都俾你拉開左話題

我：又關我事- - (姓屈嗎？)

A同學：今日我打黎係想問你去唔去唱K

我：有邊個去架？

A同學：冇架，計埋你3個到喇…有個人你唔識…

我：咁唔去喇，我都唔識既

A同學：冇所謂喇，去下去下咪識囉！唔理呀！你一定要去訂左位

我：………… (咁快就訂左，仲要諗住我一定去- -")

A同學：3點鐘，旺中等啦

我：咁好啦……(好無奈呀……)


其實我仲係未心情去玩，阿儀出左事，我好擔心，而家仲要我去唱K，
但我而家都做唔到咩野，出去散下心，可能都係好事…好矛盾喎。

出到旺中，因為我早到左，所以A同學仲未出現，只好等下佢喇…
旺中真係多人，呆下呆下咁等人總係覺得好似俾人望住咁…
我隔離有個女仔，都係等人，應該係等男朋友掛，但點解會係女等男呢…
冇幾耐，A同學打俾我…


A同學：喂，M仔

我：點呀，我等左你好耐喇…仲未捨得出現呀？

A同學：係呀，我唔會仲現架喇

我：下！！！！？？？？你仲可以咁答我？

A同學：冇計喇，我條女突然唔舒服呀…所以我要過去睇佢，一係你同我個fd唱住先啦

我：唔係咁玩我嘛……(超驚囉…)

A同學：你得既~~

我：不如…下次再約過喇…(叫我同個唔識既人唱，我返屋企好過= =)

A同學：你唔係咁嘛…人地係女仔黎架，你點可以咁對人架，佢應該到左架喇，我俾個電話你啦

我：女……女仔…！！！！！！！！(你真係好同學，明知我唔識同女仔溝通，仲要我單獨，仲要係唔識！)


佢俾左個電話我之後我都係到諗打唔打好，因為驚到死，唔知一陣個氣氛會係點
到底打定唔打好呢……手不停係度震，但最後，我都選擇打，因為A同學講得岩既，
人地係女仔，唔可以咁，要有風度，嗯嗯嗯


我：喂？請問妳係咪阿珮呀？

珮：係呀，你係？？

我：我係阿威個fd 叫M仔，今日約出黎唱K，妳都係架可？(威即係A同學)

珮：係呀，但你點解會有我電話既…？

我：因為阿威話黎唔到，所以叫我打俾妳，之後一齊去喎

珮：下…原來係咁呀，真可惜呀…

我：係囉，妳而家係邊呀？

珮：我係旺中囉

我：我都係呀…


我不停周圍望，睇下邊個係，點知，岩岩係我隔離o個個女仔又係度周圍望，
唔通就係佢？？佢好似知道我係電話中o個個人…佢行過黎問我……


女仔：就係你？？

我：係呀- -" 『我係電話答佢』 (果然係佢……)

珮：哈哈哈！估唔到原來你係我隔離o個個呢~

我：係喇，我都估唔到，我仲以為妳等緊男朋友添= ="

珮：似咩？

我：唔知呢，哈哈哈

珮：咁而家仲去唔去唱K呀？

我：兩個人去唱會唔會太悶呢……(其實係我驚= =")

珮：咁又係既…咁點算好？

我：我都唔知呀……我好冇主見架，哈哈哈(由其係對住女仔= =)

珮：咁……你識唔識踩冰架？？

我：都ok既……(妳想點呀@@)

珮：不如…你今日教我踩喇，我想學好耐

我：下……我驚我唔識教人喎(大獲了- -")

珮：得架喇，有個識踩冰既人保護我嘛，我預左會跌架

我：咁……咁好喇……


點解會咁……我覺得唱K同踩冰都唔係一個好選擇囉，仲要我教個女仔踩冰
我會痴線架！！！A同學，你好野！！返到學校唔好俾我見到你！！
我地一入冰場，我就開始唔知點咁…好多人都識踩，，，又見到d人教緊自己個女友
我點教好呢…我都唔識教人既…


珮：入去喇…我好想學識~~

我：咁好啦~

珮：哇！！！~~好痛呀><


話口未完…佢就即跌低…平衡力超低……


我：妳真係丫= = 入黎唔夠3秒就跌…

珮：嘻嘻，咁我唔識踩嘛…我可唔可以拖住你隻手踩呀…咁我會冇咁驚…


唔係嘛………拖手……我既第一次就咁冇左？！


珮：你面紅喇……

我：哈哈……有咩？(唔係咁恐怖嘛…)

珮：黎喇~唔怕啦，gogo~~~

我：喂喂~~(又問我得唔得，我都未答就拖左我出去= =")


《下集繼續第六天》