『相識的二十天』

【第四天】

今日唔知點解，一起身個頭就好鬼死痛，個身又熱咁…好多幻覺，好似見到自己個頭出緊煙咁
我諗我病左喇，無拿拿病既，尋日仲好鬼精神，唉…細菌呢d野真係唔可以睇少，
希望唔係有個d咩野H5N1啦…唔係就要同呢個世界講聲88 lu…


我：阿媽…我好似病左呀……可唔可以唔返呀？
媽：死仔，你扮病咋！想唔返就唔返啦~
我：唔信妳摸下我個頭囉…(我已經冇乜氣想講野，好累好累…)
媽：e...又好似係喎！咁快d去睇醫生啦！


唔知點解，我同我阿媽講親10樣野有9樣野佢都唔信，要佢親眼見到，又或者摸到先信
唔知係我阿媽先係咁，定係所有阿媽都係咁…不過算啦…去睇醫生先

入到去醫生個度，醫生問呢樣問個樣，雖然，呢d野我都識得講喇，但有藥食都係快d好既，
不過就………


我：醫生…醫生…唔打針得唔得呀？
醫生：打針快d好喎…
我：醫生…我怕痛呀…
醫生：你係咪男仔黎架！少少野都怕痛，男人大丈夫，流血不流淚呀
我：………(咩醫生黎架- -"")
醫生：黎啦……快d打啦，諗住女朋友就唔痛架啦，除褲
我：……… (女朋友？我都想有呀……)


就係咁…我個屁股就咁多左一個細細既洞，真係好痛…我連等拎藥個陣，都唔敢坐低，
驚係咁噴d血出黎，哈哈哈哈！

返到屋企食完藥就準備訓覺啦…點知我電話響起，原來係阿儀打黎，我都差d唔記得左佢，
我已經病到死下死下咁…上氣唔接下氣，d阿伯仲精神過我= ="


儀：對唔住呀，尋晚我咁惡，希望你唔好嬲我，我地可以做返朋友啦
我：傻啦…我點會嬲妳呢(跟本唔記得左妳…點嬲呢- -")
我：係喎，點解妳又唔洗返學咩？打到俾我既？
儀：食飯時間嘛…
儀：係呢，你電腦整返好未呀？
我：已經整返好啦，我尋晚有上過線，但唔見妳呀
儀：係呀，我尋晚都好早訓左覺
儀：我而家打俾你，會唔會阻住你食飯呀？
我：我都冇食飯，我病左……(藥力發作…開始不醒人事)
儀：下！！唔係中左H5N1嘛…
我：妳唔係咁咒我嘛…(即刻醒左50%！)
儀：講笑姐，咁你睇左醫生未呀？
我：睇左啦，仲打埋針添，幾叻呀~(哈哈！我講大話果然有一手)
儀：男仔會怕打針既咩，所以我唔覺得叻喎~
我：嗯嗯……係掛……(我好怕架T_T)
儀：點呀，病人食左藥洗唔洗訓呀？
我：差咁多要訓啦…不過妳打黎，我先冇訓之嘛
儀：咁即係我阻住你？
我：唔係呀！！唔係咁既意思~只係朋友打黎我好樂意咁傾姐(妳阻住我都唔敢講啦，一陣又鬧我= =)
儀：哈哈哈！咁好人既~咁我都做返次好人啦，俾你去訓啦
我：哦…咁好喇…今晚ICQ見啦~
儀：睇下點啦~
我：哦………(咩叫睇下點呀= ="")


就係咁，我地既對話就結束了，我唔夠一陣間就已經俾個d藥力，令到我訓著左…
基本上，我全日都係做緊同一樣既野…食粥>>食藥>>訓覺，重複又重複咁…
直至到夜晚既10點鐘，我終於要起身，因為覺得自己訓左好耐，已經唔想再訓住
係我拎起個手提既時候，我見到好多SMS，全部都係阿儀黎，係我有史以黎收得最多既SMS，


儀：點呀你，食左藥打左針好唔好返d呀？(下午2點)

儀：記得食藥啦，唔好食食下又唔食，唔係會唔好架。(下午4:23分)

儀：係咪覺得我好好呢，冇計啦，你病左，俾你一日大獲咁多啦。(下午4:45分)

儀：我好悶呀，好想搵人陪我傾計(下午6:00)

儀：頭先睇完新聞，有個人因為H5N1死左呀！希望你冇事啦，我唔想少左個朋友(下午7點)

儀：我係咁send sms俾你，係咪覺得我好煩呢~~呵呵，快d好返陪我傾計啦…(下午9:17分)

儀：今晚我上唔到線啦，因為我又俾人鬧啦…要早d訓，咁你記得今日要好返，聽日陪我傾計啦(下午9:30分)


睇到呢d sms，唔知點解好似拍緊拖咁- -" 佢一直都好惡架嘛，唔係串我就話我白痴，冇拿拿對我咁好，
可能我真係病左啦，做病人真係好，大晒，哈哈哈哈！

咁我頭完d sms就去論壇行下啦，吹下壇風咁~ 見到人地咁多愛情既煩惱，但自己就連拍拖經驗都冇，
想幫人都幫唔到，唉……本來想去吹水區度睇下有咩人講野，但我既病魔仲未死心，令我冇晒心情睇
咁我都係繼續要同病魔戰鬥啦，食藥訓覺，令你快d係我體內消失！！


《下集繼續第五天》