『相識的二十天』

【第三天】



我返到屋企，立即開著部電腦，連衫都唔換，睇下阿儀有冇上線，
但我電腦唔知做咩事……開唔到機呀，入唔到windows，哇！咩事呀，
點解我想做d野今日全部都做唔到……我唔理咁多，即刻拎返隻老翻windows出黎重裝
呢段時間我好心急，好想知道頭先所見既係咪阿儀。

係重裝電腦其間，我去換衫同搵野食，


我：阿媽！！！得公仔麵咋？
媽：都就食飯啦，食咩麵呀！
我：我唔食多d野，人點會大架！！
媽：一陣食飯食多d囉，
我：我頂！！(細細聲講- -")


係我想發脾氣既其間，我手提又震…
今次，我好自然咁拎起個電話聽…


我：喂？
神秘人：請問你係咪M仔呀？


e...係一把女仔聲黎既，佢把聲好甜，好得意，到底邊個女仔會搵我呢？唔通……


我：我係呀……妳…妳係咪阿儀呀？？(聽到一把咁得意既聲，我又開始驚喇…)
儀：係醒喎！！咁都知，哈哈哈哈！
我：估到嘛，都冇女仔會打俾我既~(媽咪呀…我驚到個心係咁不停跳)
儀：唔係咁誇張嘛，你好樣衰咩，呵~
我：下……唔答妳得唔得呢？
儀：哦…咁算囉~
我：係喎！今日我做咩send野俾妳，妳唔回我呀？(我終於心情開始平靜返喇……)
儀：係呀，對唔住呀，今日我電話冇電，所以回唔到…對唔住呀


中左一個……真係佢？！


我：咁妳可以問fd借架嘛= ="
儀：我邊度記得你電話喎，你電話咁難記，哈
我：好難記咩，我又唔覺喎…………


又中左兩個………真係佢喇……


儀：好難記囉，我個電話仲好記過你啦~~
儀：所以我都係返到屋企，叉返電，先知你個電話咋
我：下……我估錯左？(我好自然咁講左出黎)


原來……原來頭先我見到既女仔，唔係阿儀！但真係太過巧合啦，真係講都冇人信個隻
個真相我終於知清楚喇


儀：你估錯咩野呀？？
我：冇呀……仲以為今日見到o個個女仔係妳之嘛，情況同妳差唔多(佢果然聽到= =")
儀：白痴= =，如果真係因為咁見到我就真係好有緣喇
我：哈哈哈！(我只好無奈咁笑出黎)
我：係喎，妳都未答我既sms既問題…(差d唔記得問添= =)
儀：下，因為，因為覺得妳係好人囉，所以我信你咪俾你囉
我：妳又知我係好人？妳識左我唔係好耐之嘛…(佢咁講搞到我面都紅埋囉)
儀：我既直覺囉，我直覺好準架
我：哇！咁準呀，咁妳估下我住邊囉
儀：唔………呢個超越左我既能力，呵呵
我：車~~咁即係冇料到啦…
儀：你咁粗魯架
我：唔好意思囉，咁妳住邊架？
儀：我住尖咀架，你呢？
我：好近我姐，住旺角
儀：你講得咁近，你以後唔好塔車黎尖咀啦，行路啦
我：唔得~~我要幫手增加香港既經濟嘛
儀：好偉大喎！你增加我既經濟好過啦，哈哈


同佢傾計，唔知點解，我可以咁快唔驚，仲有種舒服既感覺
可能係佢唔係好cool個d女仔啦


儀：係喎，你幾時出世架？
我：6月27日，咁妳呢？
儀：下…真架？！我都係6月27日喎！
我：唔係嘛= =""" 岩到咁……(我今日真係出現左好多巧合)
儀：咁不如個日一齊興祝啦，咁難得識到個同一日生日既fd
我：睇下點先啦…


其實……傾電話我已經咁驚，仲要同個女仔過，
我咪係咁手震腳震囉…又唔想拒絕佢，咁我只有答呢句啦


儀：好啦，就咁決定！
媽：衰仔！！！開飯啦！！掛住傾電話
我：得啦！！(佢洗唔洗講得咁大聲呀，係人都聽到啦，好似人地賣廣告咁)
儀：衰仔~你係咪要食飯呀？
我：咩衰仔呀= =" 我係M仔呀(最衰都係我阿媽.\w/.)
儀：咁好啦~M仔，你去食啦，我地上網再傾啦
我：呀…唔得呀，我電腦壞左，我而家整緊，今晚應該上唔到住，大把野要裝
儀：咁妳打俾我啦
我：今晚應該唔得閒，唔好意思呀…(其實，，我係唔敢打…)
儀：哼！！咁算囉，係咁啦！
媽：捨得出黎食飯未呀！！！！(又好大聲咁同我講)
我：唔好咁啦…得閒先打返俾妳啦
儀：唔洗啦！！你整電腦嘛，你去食飯啦！係咁…
我：咁好啦……88....

就係咁我地既通話就結束左，頭先我係感覺到阿儀好惡咁…我只係可以講一句，妳唔好咁啦，
因為我真係唔知可以講咩…我唔識。

就係咁成晚一直整電腦，整到好夜，到我上返線既期間，佢已經冇上線…


《下集繼續第四天》