『相識的二十天』

【第二天】

尋晚，同阿儀傾完計，佢點解可以咁快俾個電話號碼我的問題，我上緊堂都係度諗，
不停出現好多假設，諗到我完全冇時間俾我上堂訓覺，我好想打俾佢問點解，
但我真係好驚，所以…我決定send sms俾佢


我：阿儀，我係M仔呀，我好想問妳一條問題，點解妳可以咁快就俾個電話我既，我同妳識左12小時都冇…


我send左出去已經成幾堂時間，但佢都仲未回我，
唔通係我記錯電話？定係佢俾左個假電話玩緊我呢？
我好想知個答案，天呀！！我真係好想知呀，快d覆我啦

突然我部電話係度震，嚇到我成個人彈起身，好彩個陣小息緊，唔係就大獲
應該係佢啦~我即拎部電話出黎睇，但點知原來只係個d乜鬼台有優惠既信息。


A同學：喂！！死仔，做咩對住部電話發呆呀？
我：哇！好鬼痛呀，洗唔洗拍我呀，痴線，我幾時有發呆呀？
A同學：哇！你仲話冇望住部電話趴左係度
我：望住電話趴係度就發呆？
A同學：我話係就係啦，咁做咩呀？你拍拖咩…平時都唔見你拎電話出黎望住既
我：我咁既死樣邊度有拖拍丫…
A同學：邊個話冇架，黎放學我帶你出去溝對面既女校！
我：痴線- - 壞份子
A同學：真係唔制？
我：係呀，緣份要黎就黎架啦，溝黎冇意思
A同學：好！你唔好一陣黎求我呀
我：一定！！


到左放學，我都仲係未收到佢既信息…係一個謎…未解答到既答案…
我出左學校，行左幾條街，見到A同學真係溝緊女，真係搞笑，我老友就用口同女仔講野，
而我呢…就用手黎同女仔講野…當我望住A同學溝女既時候，

突然…

女仔：請問…

係我面前出現左一個女仔，佢長頭髮，清純，睇落好似好乖咁既女學生，
仲要係從來未試有咁靚既女學生，仲要好急咁同我講『請問』
唔通係問我借錢塔車？定話問路呢…

我：嗯？有咩可以幫到妳？(哇…我真係好驚架，我好想快d離開現場)

女仔：請問…可唔可以借個電話俾我入一入電話卡呀？

我：下…？(唔通係騙子，乜而家d靚女做埋騙子咩= =)

女仔：因為我有個朋友send左sms野黎，我正常回既時候，電話突然冇電呀…我而家想打一打俾佢

我：下，咁點解唔係電話亭打呢？(我小心d好- - 雖然我部電話唔係貴野但冇左就俾人鬧死)

女仔：我唔記得左佢電話呀，係張卡度，唔該你丫

我見個女仔咁好似真係要打電話咁，我就幫下佢啦，助人為快樂之本嘛

我：好啦，我借俾妳啦

女仔：真係唔該晒呀

過左一陣………當然我全程都望住佢啦，但我唔係望住佢個人，而係我自己部電話，驚嘛…

女仔：唔該晒呀，不過佢電話打唔通呀，俾返你先

我：唔洗客氣

女仔：咁好啦，88

個靚女走左喇，，，佢仲要係跑住走，睇住佢一直咁跑，跑到佢………
仆左係地，哈！！咁得意既，我正想跑過佢幫佢個陣，有個阿伯幫左佢先，佢起返身，見到佢冇咩事
我都走去塔車，我等車個陣，我突然間係度諗返起，頭先個女仔話sms，同埋想回既時候冇電？
點解咁似講緊我既！？我電話又俾左佢用，咁當然有可能打唔通啦！
，呢3張野真係好似我，冇理由咁巧合掛？我立即拎返部電話出黎，查下佢頭先打俾邊個，
可惜查唔到…佢已經刪除左個電話號碼…到而家，我都仲係未收到個sms，
死啦，，頭先發生既要，令我覺得好亂，唔通佢係阿儀？？？


『下集繼續第三天』