話說星期一晚上係廣州近廣州大酒店（名唔知道係咪咁叫，有永安車番香港同個老友同埋 佢個客食完飯，由於落大雨咁就諗住去酒店截車

因為有遮蓋，咁行到近酒店旁一條小路口，見到有個大約40歲香港男人，係大雨下訓騎樓底，咁我地見佢著衫應該係香港人，咪行埋去睇下，原來暈左，拍醒佢，佢就住個間酒店咁就叫酒店保安扶返酒店。

原來佢先前避雨，有條大陸仔行埋去，拎部"6150"出來話唔識用，不過又要緊急打電話，叫佢幫佢打，佢一掂部電話個大陸仔一按制，佢就訓低，比人槍哂D野！最後酒店報警，我地走頭！

問返D老廣州，呢隻電槍，三舊水就買到，有9成似 6150！小心！小心！

●各位，我都遇過類似情況....兩個月前，我在荃灣大河道"吉野家"樓下等人，突然有條大陸仔走過來，"NOKIA6150"出來，話唔識開部電話，叫我幫佢，我覺得好有可疑，無理佢，仲同佢講：「搵食行遠D啦！」

跟住佢就行開了，我想吊住佢尾睇下佢有無問第二個，想知佢究竟想點樣騙人，點知條友一過完條馬路就影都唔見，好肯定係身有屎，而家諗起都一額汗‧

記得提醒你身邊的人，叫佢地小心！！！