今晚剛剛做好要交既功課, 本來已經好眼訓, 但心血來潮突然好想去睇睇個舊朋友網頁, 都好耐都去過lu, 諗住都冇咩大改變, 點知一睇之下, 得知一個咁突如其來既消息, 成個人都嚇醒左, 我真係好擔心, 擔心伯母亦都擔心朋友家下既心境, 再睇落去先知原來工作上都遇到問題, 唉......唔意如既事接二連三係佢身上出現, 我相信一定唔易過, 將心比己, 都感受得到當中既滋味, 不過我相信雨過一定會天晴, 雖然好老套, 但係不變既定理, 而且我對這個朋友好有信心, 佢一定會應付得黎, 因為最大既原動力係黎自身邊既支持同關心, 只要佢緊記佢做人既一貫作風, 有咩難關總會過得到!
在此我衷心祝願伯母健健康康, 一切都順順利利, 希望快d有消息, 等我唔好自己嚇自己...........