詩:第一個就寫俾你先呀!嘻嘻!我地識左好似差唔多都有一年喇!由網上既朋友開始,到而家演變成日日都傾電話同一個星期起碼都見番一兩次既好好好好好朋友,fd既程度三言兩語都交代唔到,同埋我地兩個真係可以咩都傾一餐咁!一齊去唱K、一齊落d、一齊韓燒、一齊落吧,每次都係好開心既!我一定會好好咁珍惜呢段友情既!多謝你呀詩,你有份幫我搵番我自己嫁!啜啜!

燊:key3上識得最耐就係你,好一句豬人心連心帶出我地既友誼!同你基本上都唔洗點講野既,因為大家都非常了解大家!呢一年入面大家都陪大家渡過左n咁多個開心同唔開心,咩都可以玩一餐!連喺酒吧出面都可以影半粒鐘相!我同你同埋阿希三個真係咩都可以傾得一餐既,因為我地係鐵三角嘛!燊,有件事真係好感動,就係你個key3小王國喇!我知道一開始你係因為咩所以去開呢個會所!多謝你呀知己!

希:你而家都冇玩key3喇!大忙人!雖然而家冇以前聯絡得咁密,但係我地仍然都係咁鬼fd!上次同你唱K果陣,聽完你同我講既野真係好想喊呀!好好好感動!我想話番你知雖然把口有時都會怪你兩句,但係個心真係冇怪過你,因為知己之間係要存在包容同體諒嫁!一切在心中啦!

藍:我想同你講唔好理人地點樣去話你同唱你,因為d人根本就唔熟你!唔好再為果d事而唔開心喇,至少我希彤信你就夠喇!雖然有時我都會講下笑玩下你,但係你都知我我係玩嫁!多謝你呀藍,边個對我好我真係知嫁!抵我上次輸隻七索俾你既!你個衰仔而家就開心啦,終於俾你搵到喇!所以記住你一定要幸福呀!嘻嘻!

皇兄:我發覺次見親你都係落D、唱K、落吧,都好似未試過一齊去食飯囉!大部份見你既時間都係半夜十二點打後!攪笑!你記唔記得呢有一次我喺cyber打俾你,拎起個電話就收到你個sms,跟住你話唔知點解feel到我會打黎!莫非真係兄妺情深?嘻嘻!上次我地去cyber我臨走前你咪專登去攞左支水俾我同的撻飲既,跟住我地影相,仲記得皇兄你支水仲未鈕番實個蓋,支水倒晒落我地度,真係笑爆肚!多謝你呀皇兄,我地大家都話過呢份兄妹請係一世既,所以我一定會好好咁珍惜嫁!

ca:對住你個衰妺我有時都覺得自己幾老嫁!不過我地都冇代溝既!嘻嘻!好懷念上次几個去打边爐果d肥牛呀,太好味喇!幾時再去食先?記住有一次我同你講過一d野,跟住你話其實你都會覺得我之前唔開心果陣你都冇點陪過我!唔好擺喺心呀,因為而家既我真係好開心!係真嫁!阿边個呢你真係唔洗理佢,因為我都好鬼憎佢!果d先係真正既八婆!嘻嘻!

比:你呀,真係唔知講咩好!實在太fd喇!我咩都會同你講既,諗番果時同你成日由朝傾到晚,真係唔知有冇咁多野傾呀!記唔記得個哦字呀!wahahahaha....上次
我買車仔麵你咪叫我咩既,諗番都笑死我!見到你而家咁幸福我都好開心嫁!哀心祝福你呀!

佳:我同你玩埋一齊除左個癲字冇野可以形容到!痴線嫁!有人唔開心呢,約我地兩個出黎一定會開心番囉!不過你阿媽真係仲攪笑過你!你呀生性啦,做番d野出黎俾人睇下先得嫁!我同阿比一定會支持你既!加油呀!we're the best fd!

瑤同的撻:你兩個姊妺識左咁多年仲可以講咩呢?盡在不言中!姊妹一世嘛!我會好好記住!

XXXXXXXXXXXXXXXXXXXXXXXXXXXXXXXXXXX


除左以上呢班人之外,仲有一班冇玩電腦既好好好知己朋友!識到你地真係我既福氣!因為你地個個都好錫我!其他人未必會感受到我地之間呢份無價兼真心真意友誼,但係我知道我地大家係會感受到既!多謝晒咁多位呀!我真真正正咁搵番我自己喇!我而家既開心同幸福係你地每一個都有份帶俾我嫁!thank you!