馬來西亞雲頂高原賭場酒店之鬼故事

東南亞各個國家, 是神祕之國度, 什麼養鬼仔, 落降碩, 下蠱…………等！而這故事是有關一個傳聞………

相傳養鬼仔中, 有一種叫火燭鬼, 這類鬼仔通常是一群咁養, 好似請伙記咁。而這群 [ 伙記 ] 的工作是…………人在賭時贏錢, 必是運氣旺之時, 而運氣旺之人, 在其印堂及兩邊肩旁之[天燈位]定必火旺。而這班火燭鬼便是負責減弱好運之人的火勢, 拍滅兩肩[天燈]之火, 因此賭仔賭錢常說 : [ 哪！咪鬼踏膀頭呀！] 而雲頂高原賭場大酒店, 身為東南亞賭錢首選, 唔請番 D 火燭鬼點掂呀！但請了多少呢？ 可以告知你酒店封了一層用來給 [ 員工 ] 住, 這一層永遠不開燈, 就算升降機停下也不開門，就算開門Lift 外也有大鐵閘鎖着，各樓梯之大門也是鎖着的，是那一層呢？不能說, 因火燭鬼也要私隱, 也怕狗仔隊…………( Kidding!!)

故事從一個星、馬、泰九天團開始…………

領隊阿John 帶着31人從泰國開始、再到馬來西亞、最後才到星加坡，九天泰馬星才對！而原本32 人的一團，因團友中阿豪兩夫婦在出團前一天鬧了場大交，使只有賭鬼阿豪單人而來，使這團成了31人，而阿豪便成John的同房客人，而故事也開始了……………

第六天黃昏，在車上阿John道 : [ 好了！重有十五分鐘就到今天晚上所住的雲頂高原大酒店。其實到了今天已第六日了，這幾天大家冇馬跑、連六合彩都冇得玩，實有D失落感啦，由其每晚看住我同房阿豪哥，比睹虫不停咬，害我幾鬼擔心……………又比佢嘈到冇覺好瞓，哈！哈！講笑啦！但今晚一定有覺好瞓，因為佢成晚都係賭場嘛！但你大家去創業興家前，先提大家晚膳及明天集合時間，因如過了時仍未出現，我就當你嬴緊錢 ( 賭緊錢 ) ，咁大家就唔等你哪！記得返嚟請大家食餐好就得哪……………。]

巴士一到，各人便在Lobby 等分房，第2間..3..4..5..第15間，好一切弄好，John立回頭想找阿豪，但發現阿豪未等分房，早已帶着行理消失了，John還心道 : [ 等埋分房都等唔切，拿埋D 行理唔通用嚟晒你冷…！] 因此John 在櫃枱留下阿豪資料及所住房號，便和導遊各自回房………………

07:00 pm用晚膳集合只有26 個，更有趣是去了賭的人中，除阿豪外全是別人
的父親，留下老婆仔女和團友去吃飯，自己就走去 Happy ！
08:45 pm 用膳後回到酒店，5 大睹客正拼命中……… 阿豪仍未拿櫃枱之門卡
10:30 pm 已有二人回到老婆身邊…… 阿豪仍未出現櫃枱
11:45 pm 阿 John 仍未見阿豪回房，開始覺得阿豪在賭場太久了，快8個小時
了。

於是 John 便走到賭場去找阿豪，但四處也找不到，更在VIP房看着另外兩名爸爸失意地回去，5人中4個比阿豪遲的客人也已回房，但仍未見阿豪出現。阿John 決定先至電4 名賭爸爸，確定有否人曾看見阿豪。誰知原來到了雲頂後，便沒有人見過他了，反以4 名爸爸盡階互相並到。這刻…John 開始鷺了……

01:00am 阿豪不見了9 個小時, John 決定至電導遊………

[ 喂 ！阿豪一直冇出現，櫃枱門卡仍未拿，他不見了9 個鐘頭哪……！]
[ 什麼？你有否找清楚呀？]
[ 有呀！我在賭場找了很久也找不到！到洒店後就冇人見過佢哪！]
[ 唔係咁煩呀！咁我依家落嚟幫手哪！]

不到5分鍾，導遊出現………
[ 情況點呀？從那裹再找呀？]
[ 成9個鐘頸……其…賈…你…估…佢會…唔會…係…係…喺果層樓呢？]
[ 果層…樓！…唔…唔會掛！]
[ 如果…真係…呢？]
[ 成…9…個鐘！…唔………！快！快找大堂經理！]

二人立到櫃枱，找到大堂經理並告知一切，更要求到(果層樓)一看……

[ 唔會哪！(果層樓)連Lift 門都唔會開，個客點走到入去吖！]
[ 救吓你哪！唔見咗9個鐘哪！一齊去(果層樓)睇睇買個安心哪！]
[ 唉！(果層樓)得三條Keys 開閘，一條响大Boss度，但佢正放大假……
另外兩條喺兩個大堂經理之手，我已至電早班經理，佢話今日冇用過！
而我今晚又冇人用過，咁個客點可能响(果層樓)，除非係穿牆而入哪……]

但經理講不服二人，只好一直講，一邊同二人上(果層樓)…………

到了(果層樓)…
經理立道:[ 我開門開閘，但唔會同你哋入去找呀！都話唔可能，係要……]

門一開，不用找了，因從Lift內燈光看出去，阿豪正係(果層樓)跪在閘前，雙眼失神地搖着鐵閘，口中只不停說着3 句說話…………

[ ………放我出去…………]
[ ………唔好啦住我呀！……………]
[………點解我上嚟…………]

各人立救他入Lift， 但9個小時被困在毫無燈光的(果層樓)，已使阿豪精神失常，只會說那三句話……

[ ………放我出去…………]
[ ………唔好啦住我呀！……………]
[………點解我上嚟…………]

行程仍要繼績，但已神志不清的阿豪只能立刻送回港。

行程完畢，John 一回港立找阿豪，但已經要到青山精神病院了。而看見豪對着老婆只會說 [ ………放我出去…………]
[ ………唔好啦住我呀！……………]
[………點解我上嚟…………]

心痛的 John 問醫生情況，反被醫生反問John: [ 阿豪究境並到什麽，這一定是十分可怕，來得極突然，及超長時間的痛苦…………！]

自始，內疚又心痛的John便常來探阿豪，更因內疚而轉行，一直到9個月後…………

阿豪治療了9個月後己差不多OK了，更能記回當天的事告知John……

[ ……當日一到Lobby 便有一個服務生幫我拿了行理，說帶我上房，我以為你知我心急去賭，便找人先安頓我，我便跟他上去……。沿路十分正常，誰知正要開門入房時，全層突然沒有了燈，服務生也不見了……反之四週出現了很多鬼怪，它們一邊大叫嚇我，一邊追着我。我發狂地四處跑找出口，但全被鎻着，我跑回電梯時又多了個閘，那刻我便失去意識了………直到上星期我才醒來一般，但原來我已瘋了9個月了……… ]

John 怒道: [ 那服務生個樣點？我實會教訓他，等他不可再害別人。]

但當阿豪型容完畢後，John 呆了。

因阿豪所型容的，那是20年前的服務生制服…………

怎樣? 你的回覆是我的動力………請支持我寫下去！( 給意見也可)

齊白