真係好嬲~ 點可以咁過份架!!咁黎講我, 唉~~又一証明"朋友"原來可以咁兒戲, 又或者一開始就係咁兒戲, 只不過係我看得太重, 算吧啦~

識左佢都唔短既日子, 起初以為佢會好了解我, 肯聽我講野, 亦都樂意俾意見, 甚至以為佢都當我係好朋友, 但原來我又太天真, 唔好話好朋友, 就連朋友都唔稱得上, 佢之所以咁對我, 或者係另有目的, 因為我都係一個幾好既聽眾, 俾既意見有時都幾合佢既心意, 就算因為咁先同我做朋友, 我都唔太在意, 朋友就係亙相幫助, 而且我根本唔想諗得太複雜~

做朋友幫到咪幫, 佢有事要我幫手我總會效勞, 起初都任勞任怨, 但唔知點解當我有需要要佢幫手時, 佢就會唔見人影, 甚至避而不見, 算啦既然自己攪得掂又何需煩人, 從而令我明白, 我咁待人但唔對如人地都要咁待你, 每個朋友都有不同之處, 不過好衰唔衰俾我發現多樣野, 佢唔係唔鍾意幫人, 只不過係唔鍾意幫我, 既然係咁我開始同佢講條件每當要我幫手之時, 不過次次都只得個講字, 有幾多真係會兌現?

我從來都冇對佢計, 只要幫到既唔過份既我都會幫, 唔係因為要得到d咩回報, 我只係覺得佢搵得你既, 即係証明你仲有價值, 咁諗好似對有點兒那過, 而且幫到個朋友我都會好開心......

不過今晚佢一句說話, 令我明白到佢根本唔當我係朋友, 亦都從來都唔了解我, 我都唔敢相信我一直真心對待既朋友會咁話我, 句說話就好似把刀咁利, 我從來都冇同佢計較d咩, 亦都冇問點解要待我比其他朋友差, 有事先黎搵我, 當我有事呢? 講多兩句都怕麻煩, 我唔想咁諗佢, 但點解佢一次又一次証明俾我睇, 佢係一個咁既人? 咁都算, 點解每次都要俾佢倒轉頭話我不是, 過份嗎? 對住其他人或者佢會覺自己不對, 甚至內疚, 但對住我呢? 就係我應得既?!
這就是朋友之道! 一個十多年既好友教曉我唔應該咁易信人, 而這個朋友就教曉我唔應該拎個心出黎待人!!