昨 日 講 起 阿 根 廷 馬 ， 搵 資 料 時 順 便 睇 埋 福 克 蘭 島 ， 英 阿 為 呢 個 小 島 打 仗 ， 眨 眼 已 經 過 二 十 五 年 ， 唔 睇 唔 知 ， 福 克 蘭 島 打 完 仗 後 ， 英 國 索 性 開 放 福 克 蘭 附 近 海 域 ， 向 各 國 漁 船 發 捕 魚 牌 照 ， 徵 收 魚 稅 。 一 開 放 之 下 ， 唔 得 掂 ， 現 在 福 克 蘭 島 居 民 人 均 收 入 係 五 萬 美 元 ， 高 出 香 港 一 倍 ， 島 上 最 大 企 業 ─ ─ 養 羊 ， 已 經 請 晒 智 利 人 做 ， 本 地 人 唔 再 捱 咯 。 現 在 又 話 在 福 克 蘭 島 海 域 內 探 油 ， 初 步 發 現 令 人 滿 意 ， 但 福 克 蘭 人 就 驚 住 太 有 錢 ， 破 壞 原 來 生 活 形 態 ， 更 會 引 起 戰 爭 （ 與 阿 根 廷 人 再 打 仗 爭 油 ） ， 認 為 唔 鑽 油 好 過 。
人 均 收 入 五 萬 美 元 ， 世 界 上 數 一 數 二 ， 咁 有 錢 ， 的 確 難 以 維 持 原 有 節 儉 樸 素 生 活 ， 除 非 有 自 制 力 啦 。 呢 日 早 返 工 ， 想 話 食 早 餐 ， 唔 ， 置 地 文 華 酒 店 一 個 早 餐 好 貴 ， 點 捨 得 ， 於 是 返 上 辦 公 室 ， 打 電 話 去 翠 華 茶 餐 廳 叫 早 餐 外 賣 ， 炒 蛋 包 加 火 腿 通 粉 與 咖 啡 。 外 賣 送 到 之 後 ， 睇 完 《 蘋 果 日 報 》 先 至 食 ， 點 知 外 賣 送 漏 包 ， 唯 有 將 炒 蛋 倒 入 通 心 粉 ， 照 食 可 也 。
食 食 ， 記 起 大 富 豪 田 少 受 委 任 為 旅 發 局 主 席 之 後 ， 記 者 問 佢 他 日 旅 發 局 會 否 係 「 大 花 筒 」 ， 田 少 自 然 否 認 ， 並 且 話 自 己 唔 係 大 花 筒 ， 平 時 都 有 食 快 餐 店 豬 扒 飯 ， 三 十 蚊 有 找 ， 不 過 食 法 唔 同 。 田 少 叫 夥 計 到 快 餐 店 買 飯 ， 返 到 辦 公 室 ， 將 飯 裝 入 高 檔 器 皿 ， 一 邊 聽 古 典 音 樂 一 邊 食 ， 幾 好 享 受 。 可 惜 記 者 唔 識 問 埋 田 少 ， 食 二 十 幾 蚊 豬 扒 飯 之 時 ， 有 冇 配 二 千 幾 蚊 一 支 法 國 紅 酒 呀 ？
左 丁 山 食 雞 蛋 火 腿 通 心 粉 之 時 ， 幻 想 自 己 係 田 少 ， 慢 慢 享 受 ， 只 可 惜 通 心 粉 載 在 發 泡 膠 碗 內 ， 冇 厘 氣 氛 ！
食 完 早 餐 ， 睇 《 信 報 》 ， 港 大 陳 耀 南 授 專 欄 講 對 聯 ， 以 特 首 選 舉 學 生 ， 寫 下 「 家 傑 由 人 選 ， 蔭 權 自 上 來 」 ， 幽 默 到 極 兼 且 貼 題 ， 左 丁 山 笑 到 幾 乎 噴 咖 啡 。 係 唔 係 一 家 之 傑 ， 梗 係 由 他 人 判 斷 或 選 出 啦 ； 有 父 蔭 、 福 蔭 、 天 蔭 而 得 到 權 力 / 權 位 ， 自 不 然 權 由 天 賜 ， 使 乜 你 投 票 ！ 崇 基 學 院 中 文 系 出 身 陳 授 ， 出 手 果 然 不 同 凡 響 。

左丁山