唔好再話男人吊兒郎當,唔出聲
佢係唔會改的
唔好講"愛我就改倒啦",你識乜丫!!
要改,係要有尋死既勇氣
好多男人都同我一樣,心知佢認真既一刻就係佢死亡之時,就如蠟燭熄滅前一刻燒得特別光亮一樣.最後,毫無先兆下倒下
死唔去既話仲慘,係生不如死,例如係保護唔倒自己所愛既人
唔明我講乜,可以試下睇<鋼之煉金術師>入面修玆認真既下場係點既.無助,悔恨,最後鬱鬱而終,係常人所不能忍之苦,之痛

如果你係愛你既男人,你都唔忍心要佢受呢d苦啦,係嘛
唔好咁自私啦.好嘛?!
你自己都冇呢種勇氣,又有乜X野資格叫人咁樣做?!你唔會知道一個男人壯志未酬個種苦有幾痛苦!禿頭性無能戴綠帽雖苦,但同佢比簡直係微不足道!咁形容法,會唔會明少少?!

講下我自己.我雖怕死,但如要我慷慨就義,呢d骨氣我仲有(仲覺得好型添);但如果係鬱鬱而終,我一定唔甘心,呢種情形下,我怕死;我更怕生不如死.所以,我唔會改.偶然會認真同所愛既人傾下心事,呢個已經係我既極限

PS 聽倒呢d事已經好煩,如果真係有人叫我咁做既話,我真係會反面的