係個幾月，佢不斷問我阿媽借左好多錢．大大話都有幾萬蚊～我阿媽終於都唔借
俾佢，開始問佢還～但個賤人竟然唔還～仲要屈我話我搵人搞佢～搞到我同阿媽嘈左
好多次，我有時真係覺得我阿媽好蠢～有乜理由我會搵人搞佢呀～又唔知佢住係
邊～又唔知佢屋企人ｄ樣～點搞呀～佢都唔用下個腦呀～

我阿媽終於係ｄ　ｆｄ陪同下，去左差館到報案，過左冇幾耐～拉左個賤人啦～
而家？我地冇左佢既消息．不過聽我阿媽講～如果佢還唔到既～就會坐牢喎～
都唔知係咪既～好啦～呢件事終於告一段落啦～

２００２年９月中～～
估唔到呢件事搞左咁耐～係期間～我係７月中有個男朋友既～初時都唔錯～
但我地行左２個月到～就開始覺得佢冇上進心，成日話搵野做～但到頭黎呢！
咪又係屋企打機訓覺，係８月尾，我開始冇乜同佢見面～況且佢住柴灣，
我住荃灣．一個頭，一個尾，就計搭車都搭左唔知幾耐啦～仲有呀～次次見佢
都係我去佢個邊呀～我地就連一套戲都冇睇過呀～你話幾悶呀～而佢就好開心咁
喎～點解？咪因為有得搞野囉～～唉～～終於我都受唔住～～同佢講散啦～

同佢散唔夠一個月到啦～我係ｉｃｑ識左一個男仔～雖然佢唔係香港住～但
佢對我好好架～係我生日既時候，佢都寄左一隻大既公仔俾我呀～我個時都不知
幾開心呀～咁大個女第一次收到咁大份禮物喎～我每晚都會攬住佢訓架～～
我同佢就係個時開始啦～唔好以為我係為左隻公仔先同佢一齊呀！我真係對佢
有感覺先同佢一齊架～我知道我同佢係唔會有結果～因為我地相隔太遠啦～
有時我想見佢都冇得見～所以呢段感情都唔係維持左好耐～但估唔到講分手既
人係佢～～～～

〔阿欣呀！不如我地做返朋友呀？〕佢好突然打俾我而同我講既係分手囉～～
〔下～～點解呀？？〕我個時真係呆左呀～都唔知講咩好～
〔你都知我地唔知會幾時見～而且我都未必返黎啦～不如～～〕
〔唔唔～我知啦～你ｌｉｋｅ啦～～〕我聽完之後～ｄ眼淚不斷咁流出黎～我
知道會有咁結局～咁岩我係個日又好ｄｏｗｎ喎～佢仲要係個時講分手～
我真係忍唔到流左出黎～個次之後，我地雖然做返好朋友～但都好少傾計～連我
都唔知點解～

２００３年１１月１６日～
呢一日我記得好清楚，因為我愛上左我第二個最心愛既人～～～～
係個時～我又開始做返野～一到放假既時候，我就會返工～一ｄ都冇諗過會拍拖．
個時除左返工之外，就係玩ｉｃｑ啦～而佢呢！都係ｉｃｑ識既～當初只係玩玩下
咁～而且佢同我返工個到好近～就係個日～我放工之後～好無聊咁打左個電話俾佢．

〔喂喂～知唔知我係邊個呀？〕我好鬼靈精咁同佢講～～
〔知！ＢＢ呀～做咩呀～～打俾我既～你放工啦？？〕個時我係叫ＢＢ架～因為
我ＬＩＫＥ　ＢＢ囉～我都好想自己好似ＢＢ咁有人錫～～
〔係呀～我放左工啦～我而家係你屋企附近呀～出唔出黎呀？〕我好興奮咁問佢．
當佢話好既時～我真係好開心呀～話晒第一次見佢～心情更係有緊張既～～～
係佢未落樓既時候～我不時都會照下塊鏡～睇下自己有冇咩整得唔好～佢落黎啦！
見佢個一刻～覺得佢好可愛～佢ｄ皮膚好靚架～我最鍾意就係佢對眼～好靚～
同佢行埋一齊既時候，真係好似同一個女仔行緊街咁呀～佢同我以前所見既男仔
好唔同～點講呢～佢俾我既感覺係佢好怕羞～但係佢同我講野先架～個種感覺好得
意架～而我地係點開始呀～～～下集講你知～～～

待續～～～