我好難令自己愛上一個人，可能對lee一種感覺比較遲鈍喇！但係當我每次愛上一個"佢"，都愛得瘋狂。
以前為一個"佢"走堂等"佢"放學，想俾個驚喜"佢"，想"佢"見到我而開心(我走堂當然"佢"唔知喇)；因為佢唔鍾意去街關係，為見"佢"唯有每個星期山長水遠坐個半鐘頭車去"佢"屋企只逗留兩三個鐘頭(幫佢執下房呀、煮野食呀)。最終同"佢"玩完lu，"佢"選擇愛自己多過愛我！
現在卻為另一個"佢"每隔三四日放工唔返屋企周街盪等"佢"放工食宵夜只係想見"佢"一面(因為大家工作時間唔同，只有我返工時間穩定，只好我遷就下low)；平時同朋友行街買衫都係幫"佢"睇"佢"想要野先諗自己買D咩野(因為"佢"返工時間長關係，我只想"佢"放假多D休息，所以我好少硬拉"佢"去行街行成日，最多係食一餐飯睇一場戲就返屋企。若果"佢"想要某樣野而我又經濟許可，我都會送俾，例如一件衫、一個咭片盒、一對鞋)。結果都係同"佢"完左喇，"佢"亦一樣選擇愛自己多過愛我！
後來我發覺原因係自己過份遷就"佢地"！因為我從來無對其中一個"佢"要求為我做任何野，我一直諗如果"佢"係愛我，會諗辨法令我開心架喇。我想得到回報，唯一方法係要自己先付出，為"佢"瘋狂，我愛"佢"多過愛自己，有錯嗎？或許我真係錯。輸得澈底，輸得一敗塗地…越愛越怕！
你呢？為果個"佢"瘋狂過嗎？有幾瘋狂呢？