樂:


單方面既感情只會令自己痛苦.我應該學識放手.既然你唔珍惜我都唔再認真去愛我..我諗我應該抽身離開.我地重新開始之後一直都有好多問題.我發覺你變得好陌生.你既一切我都唔知.我唔係唔想知.你曾經問過我.覺得你愛唔愛我.其實o個陣我已經知道你對我既愛得返幾多.我一直唔想面對唔想接受.但係呢幾日我完全失望.我知道終有一日會完完全全咁失去你.我知我接受唔到,但係既然你唔再愛我點解要勉強自己去同我一齊？我真係好”支力”我覺得離開你你會更快樂．你唔需要對我負咩感情既責任．一段愛情入面冇左一方面既愛．幾努力去維繫都冇用．既然我幾努力都得唔到你既愛我諗我應該比你走．呢段日子裡面我有開心都有唔開心．開心既係可以同返你一齊．唔開心既係我發覺你根本唔需要我ｏ係你身邊．就算我要分手你都唔會再做任何野去挽留．你唔在乎呢段感情．無論我幾愛你都要面對現實．終於ｏ係今晚我地正式咁分左手！我真係好唔開心！！點解我咁認真愛你會得到咁既結果！