2003年11月07日
<<<11月6日>>> 星期四
十一月二號
同kiki傾了我的問題,他失蹤了...
決定三號回去shum shui po家執野走,離開
去kiki家住住先!
三號那天返了去...執晒全部野
有四個大尼龍袋...一袋衫,電腦野,食野,用品...
拿走埋我搵左好耐送俾佢既 cb400模型
二號整天去了kiki家傾野,過夜
三號一回家, 古惑仔喵喵係咁喵喵叫...
掛死佢! 成日冇見過佢!
佢係咁圍住我行黎行去,又叫叫叫
我真係好鍾意古感仔...
一邊執野,一邊同隻喵喵講野...
覺得...係他不要我地
有時會諗...古感仔=我個bb
如果就算他沒有呃我
有一天佢都會掉低我同bb失左蹤...
好彩..現在是隻喵喵...不是bb
一想到是他呃我...我就好唔開心
好唔開心...
點解連佢都係呃我的人?
我前思後想...到我完完全全信任一個人時
就是真相大白之時
好多人都會答應別人某些事
好多時都唔記得...
做唔到...
又或是自己本想說笑...
但別人當認真...
好唔開心...執晒野去kiki家訓的第一晚
喊了很久直到累了入睡...
搬野勁重...
到今天6號,3天了,隻手仲痛緊...
擒晚...去完荃灣做野...
行過銀器店...
回想到...在我生日那天
他和我一起買的介指
因為喵喵而弄不見了...
想買回一隻...
而我又想到力力...
又買了隻給他...
雖然價錢是很平...
但對我來說...當然現在不是買的時候
一方面...我想要自己記住就次我傷得很重
不想再重覆這樣的錯誤
另一方面, 我好想搵人去治療我既傷口
可能...有時...我又想...用力力去代替他的位置
可使自己冇咁唔開心,唔洗再諗佢
這幾天...每天都跟力力傾電話/icq
可惜的是...有事kiki晚上睡不著
便會用電腦...我冇得上網跟力力傾:<
而傾電話又怕俾kiki聽到...
擒晚...力力去上環上堂
仲諗住算幾近我現在住的北角...
擒晚...去完太子拿人工後,就到了上環mtr等力力來...
11:35pm就到達了...等到十二時
之後每十分鐘就打給力力
但他也沒接電話...
等到十二時半...不行了...
再不出閘我回去北角會罰錢的!
(mtr入閘後不能超過1.5hr出閘,要不是會罰$24)
等到十二時半度...搭mtr返北角...
我想...力力他今天很累的了
想見他...但怕他會累
所以回北角算了...
就在我剛剛出了mtr北角出口
力力打來了!剛剛才放工
諗住搭返mtr去mk, 又驚冇車
在閘口又唔見有人俾我問...
照入啦...我小...
尾班車開左啦! 我去到月台先有人話我知
冇啦啦唔見左$3.8...
我唔知點解覺得好唔開心...
又喊...
等左力力咁耐...如果我再等多30min就可見到佢...
又或者我等多10min,我未出閘的可搭到尾班車去mk
算...上返地面,搭小巴去mk等力力...
我到左mk r...力力先剛剛搵到小巴,剛上車黎緊...
又再等...行黎行去...勁肚餓
今早起身食左個兩個麵後就冇再食過野
好耐好耐冇見過力力...
今日既衣著又不同啦...
我諗我鍾意形象成熟d既人r 呵呵...
等左咁耐...好唔開心...
但一見到佢就咩都唔嬲啦...
之前肚餓...買左盒我想買好耐既朱古力
勁貴...$17,得12粒, 明治榛子朱古力
開頭以為係夏威夷果...到食先知係榛子...
我係咁食...食剩3粒咋...
開頭諗住食一半,俾一半力力...
/_\
之後同力力去左唱k...
好耐冇玩過
同力力一齊...唱左隻我鍾意既歌仔...
熊貓
又試下唱d新歌...
覺得...其實唱歌幾好玩...
係...一個表現自己既game咁...
一點九度上去...玩到四點度見力力好累咁
跟住佢話我知...原來今日要返10am!
>_<
早知我今日唔搵佢啦...
我好驚佢返工冇精神,做錯野就唔好r
最後...我都做左我擒日想見佢既原因
送隻介指俾力力
而力力又講左d野俾我知...
咁樣樣...算唔算叫做同力力一齊左?
但有時我又會諗...
我其實唔係好了解佢,佢都唔係好識我
但係有一樣野...係好肯定...
佢絕對係一個幾細心既人...
係我鍾意既人
剛剛又諗到...
同佢...好似交換野咁...
我好記得第一次見佢
佢問我...
同一個鍾意既人, 追到手既人一齊係咪感覺唔同
而擒晚在k房又做左d野...
我...唔係話好介意,但又不是很想做
有一點兒覺得
力力同我一齊...係為左做呢樣野先同我一齊
佢係真心關心我? 鍾意我?
定係又在利用我呢...
唔...唔諗r...
同埋...自從他第一天失蹤後
我又買左包煙r...
我好希望,我食晒包煙就係我完全忘記他之時
而我前晚晚上,而答應了kiki...
就算他再找我,我也不要理他
不要再接觸他
還勾了手指答應...
擒日食左3支...好多...食到喉嚨痛...干
我仲係食黎食去都唔係咁識點先係食煙r...
但唔學好過學...我得到我想要既效果就夠了
擒晚呃kiki出去做野通宵,今晚不會回家
但4點幾就決定要力力返家訓
之後返了去shum shui po...
心跳加速地開門...
發現所有野都冇變過,他還是未回來
在那訓到10時多起身了
很怕包租公人上黎收租...
搭緊巴士返北角,力力send sms俾我^^
之後傾左2句電話冇電 :<
專心做埋d野先打返俾佢r...
希望佢今日冇事r
近日在家...download勁多歌仔聽
load 左一大堆詩歌...
同平時聽的流行曲聽左既感覺有點不同
o! 擒晚唔記得同阿神講野添...
但我現在聽緊有關你既歌
算係咁啦...
我好記得...我好似第一首唱俾你聽既歌仔係叫全新的你...
而我亦幾鍾意呢首歌r...
好希望...有一天
我會變返全新的我
忘記過去...重新開始
重新拾回會思想的我...
11:58PM
剛剛回到家
kiki未返家呢?
之前跟維維去左睇電影...
古宅心慌慌
The Death Curse
原本想睇豪情...笑下開心下,但因冇位
去左金聲睇呢套r...
睇佢d海報又話咩驚到笑
諗住係笑片...我小...驚死我>_<
我覺得套片都幾恐怖...同埋真係好好睇!
故事簡介:
醫學家丁濟懷欲把遺產分給八位同父異母、素未謀面的子女，
他們為著一筆巨大的遺產而聚首於父親陰森恐佈的古宅中。
當晚正是父親的回魂夜，
古宅內怪事相絲發生。
父親的屍體竟可以在古宅遊走；
有人突然大失常性。
每到子夜所發生的事情更是匪夷所思，
出人意表的怪事一發不可收拾！
賣個"瓜子"...
我堆介你地去睇呢套戲呀!勁正...
開頭驚到死...後尾><
好掛住力力...我今日成日在家上下網r
出左一陣街街都覺得很累了...
em...力力要上成日堂...
力力下午打過俾我...
話勁眼訓...我都唔知點做好r...
只係好擔心佢上上下堂訓著左咁就大獲r >.<
現在等佢放工r...佢會唔會打俾我呢 @'_'@
我都勁眼訓...
今日mr.o 打俾我...
又話明天帶我去釣魚魚camp...
跟住又話都係take care 唔到我...
一時一樣r...
都唔知佢邊句真話,邊句假話既...
都係要小心d mr.o... 嗯...
好掛住力力...
香甜的糖糖人 只跟部份人分享這資訊。
Goodnight Moon - Shivaree (04年7月)
短篇故事
