條八婆真係辭職?
事發係咁既

佢不嬲都將我點三點四架喇，不過我都屁佢啦！因為大家係有眼睇既。我已經無幫佢辦事有一段時間架喇！

不過上星期五我就講緊長途電話既時候，佢竟然企係到等我講完電話先同我講野！平時既佢根本唔會咁做架！！！我講左電話好耐，我又唔知佢企左係到有幾耐！咁我咪放低個電話問佢咩事啦！

原來佢要我幫佢點一點數，d 野都幾趕下既，我心諗算啦，佢都等我好耐！點知事隔一陣，佢又再囉多好多比我！大佬，我自己都有野做架！我都算，我忍佢！

正常收工時間係五點九既，我多數都七點左右走啦！不過呢期走緊貨，都要七點半呢！佢條八婆自己六點半走左去wor！我條氣梗係唔順啦，佢最鍾意得閒囉五六日假期去玩，之後比曬所有既野我做！

我咪同我大佬講囉，我大佬叫我原封不動比番曬 d 野過佢！

咁我梗係照做啦，佢成日都要我幫佢手，但係自己就走左去！之後我咪同 kelly 呻囉！

第二日佢一發現咋，就走過黎我到發顛喇！大佬話佢"呢 d 野唔係佢做架，佢番黎係跟單架！你話你 d 野好趕，咁你尋晚唔好咁早走啦！"

條八婆唔順氣，走去搵 fanny ！我唔知 fanny 有無鬧佢呀，不過我只係知道佢上番黎之後就係咁話 " 都痴線架，白痴，顛顛地架 " ！

不過到左夜晚，因為上埋廠既人落黎玩，咪成個dep.既人去左食飯啦！kelly 一入到黎就話 " vivian 下午比左信唔做 "。

我唔知係咪真，不過我唔會表態！點知佢係咪真係走架?

我會好開心，因為有好多人都唔鍾意佢！話過佢好多次，佢都唔改！

不過佢都蠢啦，唔知我係黃馬掛。
抵你比人話。